Page 40 - MIN JUS 28 JUNE 2017

AWEMainta Diaranson, 28 Juni 2017 19

Recepcion positivo pa Maurits Malmberg y AVP na Noord

DIASABRA ultimo Partido di Pueblo Arubano
(AVP) a concentra su esfuerzonan den e districto di
Noord. Adicional na lider Mike Eman y otro candida-
tonan, tambe tabata presente Maurits Malmberg como
un di e candidatonan hoben y profesional cu ta figura
riba lista di e partido berde.
Malmberg a conta cu a experiencia un acogida positivo
n’e casnan unda el a yega. E aceptacion pa su vision y
esun di partido AVP t’asina bon, cu e cantidad di ban-
dera cu e tabatin cune p’e dia aki, a caba den un rato.
Compaña pa varios sostenedor di #TeamMau, el a
subi cayanan di e bario Esmeralda na Noord, un bario
cu Gobierno a drecha bunita cu asfalt, trottoir y ver-
keersdrempels.

“Mi ta bay porta pa porta y introduci mi mes como
candidato nobo riba lista di AVP y ta splica kico mi ta
para p’e, kico ta mi vision,” asina Malmberg a conta.
Su enfoke principal ta riba economia cu estimulo pa
profesionalnan hoben, pero tambe tin atencion riba
maneho social y deportivo.
Esaki t’e prome salida di Malmberg campañando riba
su mes despues cu dia 16 di juni ultimo el a anuncia
su candidatura riba e lista victorioso.
Riba e mesun dia aki por a mira Mike Eman canando
den Saliña Serca, Benny Sevinger na Koyari, Mervin
Wyatt Ras na Cunucu Abou y asina varios otro can-
didato di partido AVP a pasa serca habitantenan di
Noord cu un resultado hopi satisfactorio.

Pa straño cu por ta, AVP no ta haci mencion di Paul
Croes, kende tambe a gana diasabra ultimo den pueblo
di Noord, despues di anuncia cu e ta sigui den politica y
cu diasabra ultimo, a sende motornan di Team di Paul.