Page 40 - min .on may 11,2015

Centraal Schriftelijke Examens HAVO ta cuminsa na Colegio San
Nicolas

Monday, 11 May 2015 00:00
Comparti

Despues di un temporada di preparacion y School Examens den e aña escolar coriente, dialuna 11 di mei
2015 ta cuminsa e Centraal Schriftelijke Examens pa HAVO. Colegio San Nicolas tin un total di 86 alumno
cu ta candidato pa traha na examen cu e fin di logra nan HAVO-diploma.
Tanto pa e alumnonan como pa nan mayornan y pa e organisacion di scol esaki ta trece un presion cu ne.
E alumno ta haci su maximo esfuerso pa e logra su meta, su mayornan ta dun’e e espacio y sosten den
esaki pa e por studia y asina ta bon prepara, mientras cu e scol tin cu percura pa tur loke ta necesario pa e
examen por tuma luga den tur trankilidad.
Colegio San Nicolas no tin duda cu tur candidato pa examen na su manera ta dunando tur cu e tin pa
asina e ta miho prepara posibel pa e examennan su dilanti. Nos ta convenci cu nos alumnonan ta bon
prepara. Un preparacion na midi di cada hoben, dianan di training pa examen, tipnan con pa studia y con
pa enfrenta e examen y diferente otro strategia ta forma hunto e preparacion adecua pa cada candidato.
Henter e cuerpo di docente y dirigentenan di Colegio San Nicolas ta desea cada candidato tur clase di
exito den su afan pa logra e score di mas halto posibel y cu na final e demostra na su mes cu e ta un
alumno excelente. Na mes momento nos nos ta desea e alumnonan di otro scol cu tambe ta haci nan
examen di HAVO y VWO tur clase di exito.

ing. Ralph Croes
rector suplente
Colegio San Nicolas

http://www.24ora.com/local-mainmenu-5/95000-centraal-schriftelijke-examens-havo-ta-cuminsa-na-
colegio-san-nicolas