Page 41 - min .on may 11,2015

Escogencia di un profil den 2de MAVO caba no ta na beneficio di e studiante

Publication: Monday, 11 May 2015. Categoria: General

Parlamentario Desiree Croes

ORANJESTAD (AAN) Un comision instala a entrega su recomendacionnan caba pa bini cu un
miho forma di “aansluiting” di MAVO pa HAVO y pronto esaki lo wordo introduci.
Parlamentario di AVP Desiree de Sousa Croes, durante tratamento presupuesto 2015 a puntra e
Minister di Enseñansa con a para cu e adaptacionnan cu mester a wordo haci pa logra un miho
aansluiting di MAVO pa HAVO.

Manera ta conoci, aña pasa e situacion aki tabata hopi cayente pa cual e Minister a institui un
comision cu ta consisti di personanan di Colegio Arubano y decanonan di MAVO. E comision a
traha un rapport cu tn su conclusion y a pone recomendacionnan. Ta parce cu a logra yega na un
entendimento y awor falta pa e recomendacionnan wordo implementa.

E Parlamentario sinembargo ta kere cu MAVO-nan mester bay traha mas duro den e sentido cu e
studiante cu kier bay HAVO mester tin un di shete vak, y na HAVO e docentenan mester sa con
pa “vang op” un studiante di MAVO. E ta referi na e hecho cu studiantenan di MAVO mester di
mas guia. Teniendo cuenta cu el a trece dilanti, e ta kere cu e studiantenan di MAVO tn hopi mas
chens pa ta exitoso na Colegio Arubano.
Otro aspect di preocupacion ta e “profile keuze” cu e hobennan mester haci tempran. El a splica
cu awor e hoben ta scoge e pakete cu e ta sigui cune na final di e di tres aña di MAVO cu cual lo
por sigui HAVO despues tambe. T’asina cu ta evaluando un cambio den e aña cu ta haci e
escogencia aki, esta for di 2de klas MAOV caba. E Parlamentario ta compronde e ideanan tras di
e pensamento aki.

Ta un hecho, el a sigui conta, cu hopi hoben ta keda sinta den 3de klas, ya cu e ta hopi ma pisa cu
e otro añanan. Pero ta sinti sinembargo cu mayoria di muchanan den 2de klas MAVO no sa ainda
kic profil pa scoge pasobra nan no sa kico nan ta bay haci den future tampoco. E ta haya cu ta
mucho tempran pa laga e hoben scoge for di su 13 aña caba y cual ta nifica cu ta mare di biaha
den cierto direccion, ya cu na caminda e no por haci cambio mas.