Page 71 - KPA

Tin cierto desaroyo nobo den loke ta IASA y Imigracion. Minister Arthur Dowers a

splica cu e organisacion IASA ta un organisacion cu tabata un overkoepelend orgaan di

diferente departamento. Tur e departamentonan aki tabata funciona den pasado. Sin

embargo varios di nan no a wordo ni lanta e tempo aya y tin di nan a wordo desmantela

tambe, hopi lihe despues cu nan a wordo lanta.

Door di esey na final ta un organisacion a keda, cual ta e organisacion di Imigracion.

Awo tin e organisacion tambe di Warda nos Costa. Awo di na luga di keda cu e nomber

di IASA, ta bay crea un organisacion, cu ta e organisacion di imigracion y na e

organisacion eynan lo percura pa tin dos seccion.

Un seccion cu ta haci grenscontrole, cual ta e organisacion conoci caba como imigracion

y e organisacion Warda nos Costa, cu lo bay haci vreemdelingen toezicht. Nan lo bay

controla ilegalnan riba nos pais.

E organisacion nobo ta bay wordo institui door di un landsbesluit. A bin un tiki

bruhamento den esaki. Awor aki ta bezig cu un rechtspositie nobo y esey na e momento

aki ta den fase final pa loke ta su consehonan na DRH. Ta spera cu otro siman por

presenta esakinan na sindicato y trahado. E ta para los for di e organisacion nobo cu ta

bay wordo institui, cual ta e organisacion Imigracion, caminda cu lo bay tin e

departamento di Grenscontrole y e organisacion cu ta controla riba ilegalidad,

vreemdelingentoezicht riba henter nos pais.