Page 80 - MIN JUS 20 JULY 2015
P. 80
AWEMainta Diasabra, 18 Juli 2015 27
Den Weganan Panamericano Toronto 2015
Landador Jordy Groters
ta logra un final B den e
50m schoolslag, su di tres
final B den e Weganan
Panamericano 2015
TORONTO, 17 di juli. Diabierna mainta den e
Centro Acuatico CIBC, nos landadornan a competi
den nan pen-ultimo dia di competencia pa loke ta e
Weganan Panamericano Toronto 2015.
E landador Jordy Groters a competi e mainta aki
den dos di su disciplinanan faborito cu ta e 100m
schoolslag y 50m estilo liber.
Den su prome competencia di mainta den e 100m
schoolslag, e atleta Jordy Groters ta start den baan
number 7 cu un personal best di 1:03.93.
Durante di e competencia Jordy a landa den bon
forma, na di 50m e tabata tin un split time di 29.73
mientras e la landa pa un tempo final di 1:03.92,
cual ta un record personal nobo.
E atleta Groters ta sali number 5 den su heat y 15
overall.
Manera Jordy mes a bisa cu den e 100m schoolslag
e kier a briya y ta logra esaki tambe.
Den oranan di anochi Jordy lo landa e final B. Mas
despues Jordy a sigui cu su di dos competencia pa
e mainta esaki den e 50m estilo liber cual ta uno
lihe, Jordy a inicia esaki den baan number 7 cu un
personal best di 23.79 den bon forma.
Na di 25m, e landador Arubiano tabata entre
posicion number 5 y 6. Na final Jordy ta keda na di
6 luga cu tempo di 23.93. Cu esaki e ta keda na di
18 luga den 22 landador.
Mester bisa cu e atleta Jordy Groters ya caba por
mira bek tras di un Weganan Panamericano exitoso.
Den su dos disciplina anteriormente landa cu ta e
100m estilo liber y 200m schoolslag, e atleta Groters
a logra clasifica y yega e final B di e weganan.
Es mas den e 200m schoolslag, Jordy ta drecha
su tempo cu 2 seconde cual den terminonan di
landamento ta un prestacion di kita sombre.
Diasabra mainta Jordy Groters lo mira accion pa
ultimo biaha ora e competi den e 200m IM.
