Page 31 - MINISTER OTMAR ODUBER, APRIL 11,2015

PAGINA 46 DIARIO DIASABRA 11 APRIL 2015

“Musica ta

pone nos On”

ta e lema di

Dia Mundial di

Parkinson 2015

ORANJESTAD (AAN) –
Awe dia 11 di April, ta wordo
conmemora e Dia Mundial di
Parkinson, cual lema pa aña
2015 ta: “Musica ta pone nos
On”.Un relato di Organizacion
Mundial di Salud ta splica cu
Parkinson ta un malesa neuro-
degenerative cronico. E ta un
malesa hopi stigmatiza.
E malesa aki ta afecta miles di
persona na mundo, y hopi di
nan ta haya diagnostico laat.
Segun e Asociacion Europeo
di e Malesa di Parkinson,
e cantidad di pacientnan lo
aumenta mas y mas, segun e
behecimento di e poblacion, y
e indicacion cu tin ta cu e lo
supera e malesa di cancer na aña
2040.E malesa di Parkinson ta
manifesta su mes na diferente
forma na cada persona, tanto
den sintomanan como den e
evolucion di e malesa y contesta
na e tratamentonan, incluyendo
terapia di rehabilitacion. Pesey
e ta un malesa cu ta rekeri di
atencion personaliza.
Te ainda e causanan ta
desconoci y como tal, no tin
curacion pe. No obstante, ta
existi un cantidad grandi di
terapia y tratamento pa mengua
e sintomanan y mehora e
calidad di bida di e pacientnan
di Parkinson.“ON y OFF”Un
di e caracteristicanan di e
malesa aki ta su fluctacionnan
motorico, cu ta presenta den
transcurso di e dia.
Ta wordo yama e fase “ON”
na e momento cu e persona
afecta tin un mihor control di
e sintomanan y e por realiza
su actividadnan diario na un
forma normal.
E fase “OFF” ta e fase di re-
aparicion di e sintomanan, y
conforme e malesa ta avanza
e periodonan “off” ta cada bez
mas frecuente y largo.
Musica y baile ta mantene curpa
y mente activo, y esakinan ta
yuda reduci y mehora un gran
cantidad di sintoma di e malesa
aki, specialmente e motorico.
E musica ta interveni di e
siguiente manera:- E ritmo ta
incita na movecion y baile ta
yuda ehercita e capacidadnan
motriz manera coordinacion,
forza of ekilibrio, ademas cu e
ta facilita e expresion di curpa
y sali for di e “blokeonan” of
fase “off”.- E capacidadnan
emociona, ya cu e ta crea
stimulacion nan cu ta influencia
directamente e estado di
animo, ta merma e ansiedad
y ta ocasiona sensacionnan di
placer y bienestar.- Ta desaroya
e actividadnan cognitivo
manera memoria, atencion y
comunicacion.