Page 10 - MIN TTC 24 MAART 2016

Ronella Tjin Asjoe-Croes ATA no tey pa haci negoshi den e
aspecto di logo

Wednesday, 23 March 2016 20:02
Comparti

E logo di Aruba, na aña 2010 a organisa un destaho publico. Esey cu prome cu Ronella Tjin Asjoe-Croes,
a cuminsa como CEO na ATA. A dicidi di lansa e logo nobo e aña eynan. A dicidi pa comercialisacion di e
logo di Aruba, riba mercado local, cu no ta un actividad cu a pensa cu mester a bira uno concreto di ATA.
ATA no tey pa haci negoshi den e aspecto eynan.

ATA tey pa mercadea Aruba y awor aki mas y mas ATA tey pa ta presente tambe den desaroyo di
producto local na Aruba. Conforme un destaho publico, conforme reglanan cu segun un gobierno a bay
hacie, pa reglanan similar, a pone aviso den corant, a pone e rekisitonan, tur e criterianan, a forma un
comision e tempo ey y a evalua un total di di 5 partido cu a dicidi di duna un oferta. Un paar di e
partidonan den e dossiernan cu Tjin Asjoe a pasa den dje, no a cumpli cu e rekisitonan y a scoge e miho
partido cu ta Damox, cu Tjin Asjoe por bisa, a score hopi bon tambe. Loke a haci na 2011, ora cu e mes a
cuminsa, ta formalisa e acuerdo aki, ancra locual tabata e escogo den un contrato y eynan por bisa cu en
berdad un relacion a cuminsa cu e partido aki. Mester bisa cu pa clarifica cualkier duda, ATA ta traha cu
tur partido na Aruba. Ora cu tin mester di un servicio sea ta pen, yabero of sticker, ATA ta traha cu tur
partido y de facto ta contento di por bisa si, cu ta basta amplio den esey tambe. Ora cu mira e parti di
cantidad di empresa cu ta traha cun'e, segun Tjin Asjoe, ta bastante di nan ta haci negoshi cu ATA y hopi
di nan ta uza a base di nan experticio pa haci di e tempo cu por brinda ATA e servicio den dje y a base di
nan prijs tambe. Ora cu tur parti financiero ta wordo controla a base mensual y a base anual pa dos
partido, esta Ernst & Young y PWC, claro cu cumplimento cu contratonan di parti di ATA, pero tambe di
parti di partidonan, ta algo sagrado y esey tin cu tene na cuenta cu no ta por nada ATA ta haya un
goedkeurende verklaring conforme reglanan internacional. No mester cuestiona cosnan asina ey. E
contrato ta bisa cu e partido cu tin e derecho aki ta paga un Royalty Fee di $20 mil dollar pa aña y pa
cada benta 4% di esaki ta bin como comision na ATA. Esaki ta un contracto di 5 aña, reconociendo e
retonan pa e partido aki tambe. No ta algo facil. Tin cu bisa cu e relacion a bay algo facil tampoco. Sigur
hopi energia y tempo a bay den trata di compronde y yega na otro, pero e lo ta yegando na su final
proximamente. ATA ta keda mantene posicion te cu awor aki cu no ta algo cu ATA kier haci localmente.
Tjin Asjoe no ta kere cu ATA tey y su proposito tey pa mantene stock of vooraad beheer di productonan
di mercancia pa tin ekipo di benta ta haci esaki. Ta prefera di traha cu partidonan local cu por brinda e
servicio ey y duna nan tambe e ora e oportunidad di por haci'e na e manera cu ta den liña cu nan
experticio. Asina por menciona cu asina tin un acuerdo cu esnan cu ta opera e mobile app di ATA, cu ta
Aruba Travel Guide, cu ta un grupo di hoben local cu ta haci esaki pa ATA y cu cual tambe tin un tipo di
acuerdo similar, Tjin Asjoe a splica.