Page 8 - MIN TTC 24 MAART 2016

Fuera di a contribui cu 2500 Euro ATA no tin
ningun otro contribucion cu Arubadag

Wednesday, 23 March 2016 19:54
Comparti

Ronella Tjin Ashoe-Croes, CEO di ATA, a splica cu tin hopi pensamento y insinuacion y pa ATA
semper den afan di ta transparente, algo cu semper nan a haci, cu nan ta habri pa cualkier
informacion cu tin. Pa loke ta trata Arubadag specificamente, ATA a sponsor un total di 2500 Euro pa
medio di nan oficina na Hulanda.

Esaki a haci banda di e evento cu a organisa cu ta Gezichten van Aruba, 30 Jaar Status Aparte, cu
tabata algun siman pasa cu riba iniciativa di ATA si, a dicidi di haci esaki pa conmemora e
aniversarionan importante di nos celebracionnan nacional. Esaki a captura hopi atencion, segun Tjin
Asjoe. Banda di 2500 Euro, ATA no tin ningun otro contribucion na Arubadag. Tin peticionnan cu a
drenta di parti di e Minister Plenipotenciario na Hulanda, unda cu ta pidi pa extra sosten,
considerando e grandesa y aniversarionan cu ta wordo celebra e aña aki. Pero esaki ainda ta den
evaluacion na ATA y ATA no a tuma decision y no a financia nada otro cu ta e 2500 Euro aki pa ta
concreto. Pa loke ta trata celebracion nacional di 18 di Maart, a base anual, ATA a bin ta duna su
contribucion na nos festeho nacional. Asina tambe pa duna aporte na nos cultura y pa trece esaki
tambe sikiera di e manera ey un tiki mas cerca di e bishitantenan tambe y en total ATA a sponsor 25
mil florin e aña aki pa diferente festeho di 18 di Maart, incluyendo eventonan cu a tuma luga prome
cu dia 17 di Maart.

http://www.24ora.com/local-mainmenu-5/106783-fuera-di-a-contribui-cu-2500-euro-ata-no-tin-
ningun-otro-contribucion-cu-arubadag