Page 7 - MIN TTC 24 MAART 2016
P. 7
Empleado di towing cu ta brinda servicio na Aruparking
a wordo suspendi
Wednesday, 23 March 2016 12:40
Tweet
Comparti
Relaciona cu un video cu ta circulando riba rednan social y cu ta mustra actonan sospechoso tumando lugar na
un towing truck cu ta brinda servicio na Aruparking y tin e logo di e compania riba dje, Aruparking ta presenta
e siguiente declaracion.
Inmediatamente ora gerencia di Aruparking a haya e informacion aki a tuma contacto cu e compania cu ta
presta e servicio di towing na Aruparking mirando cu e tipo di situacionnan aki no ta aceptabel pa nos
compania bou ningun circunstancia.E compania contratista di biaha a tuma e pasonan necesario pa loke ta e
chauffeur di e towing truck, kende a haya schorsing pendiente investigacion.Aruparking ta lamenta masha hopi
mes e situacion aki y ta para firme pa loke ta e maneho di cero tolerancia. Nos compania ta uno unda cu
testanan di droga ta wordo haci sin previo aviso na e trahadornan y contratistanan sigurando asina un
ambiente liber di droga.Un biaha mas, Aruparking ta lamenta e sucedido cu a tuma lugar y ta enfatiza cu nos
compania ta desaproba totalmente cualkier tipo di comportacion ilegal den tur sentido di palabra.
http://www.24ora.com/local-mainmenu-5/106768-empleado-di-towing-cu-ta-brinda-servicio-na-
aruparking-a-wordo-suspendi
