Page 21 - MIN TTC 24 MAART 2016

Un mensahe na ocasion di dia mundial di

Meteorologia 2016

Publication: Wednesday, 23 March 2016. Categoria: General
Minister Otmar Oduber
ORANJESTAD (AAN): Cambio di clima ta afectando nos entorno natural y humano. Emision di
gasnan di invernadero ta sigui aumenta y temperatura di atmosfera inferior y oceano ta
subiendo. Awe nos planeta ta 1°C mas halto cu cuminsamento di siglo 20. Comunidad
internacional na un manera unanime a reconoce e necesidad pa accion worde tuma.

Gobiernonan a acepta e acuerdo di Paris di aña pasa den cual ta bisa di frena e aumento di
temperatura averahe global pe keda bou di 2° C riba e nivel di averahe pre-industrial y haci
esfuerso pa limita e aumento di temperatura aki te na 1.5°C.

Esaki ta un compromiso ambicioso y plannan nacionalmente adopta te awor aki kisas no ta
suficiente pa evita un aumento di 3°C di temperatura. Sinembargo nos tin e conocemento y
recursonan pa enfrenta futuro.

Organizacion Mundial di Meteorologia (WMO) y Servicionan nacional di Meteorologia ta hunga
un papel esencial den crea sociedadnan resistente na cambionan climatico. Pa motibo di
emisionnan di añanan anterior y presente, nos mester prepara pa dia y anochinan mas caluroso
y olanan di calor. Esaki lo afecta salud humano y pone presion riba sociedad. Nos por reduci
riesgonan di salu door di pone sistemanan di alerta pa temperatura halto cu ta duna un aviso
na tempo na e esnan cu tin cu tuma decision y servicionan di salud y publico en general.

Nos por atende cu secura cu di un manera mas efectivo door di crea gruponan di maneho pa
cu secura. Nos por duna esnan cu tin cu tuma decision e guia necesario pa cu esaki pa nan
aplica politicanan efectivo den maneho di strategia den nan pais. Tambe mester drecha acceso
na conocemento cientifico y comparti e miho practicanan pa atende cu secura. Cambio climatico
tambe ta aumenta e menaza o riesgo di yobidanan fuerte y inundacion. Por proteha bida y
propiedad di e menazanan aki pa medio di pronosticonan special, basa riba e riesgonan aki. E
strategia di maneho aki pa cu e riesgo o menaza di posibel desaster aki lo fortalece e esnan
encarga di oficina di emergencia cu informacion for di cual nan por tuma decision y actua.
E agenda di United Nations pa 2030 y obhetivonan di desaroyo sostenibel ta establece un
compromiso poderoso mundialmente pa caba cu pobreza. Esaki ta inclui obhetivonan di sigura
alimentacion y awa, tambe sanidad pa un y tur. E agenda aki ta boga pa energia limpi y
ciudadnan duradero. Tambe e ta promove maneho nan sostenibel di eco-sistemanan natural.
Construi comunidadnan resistente pa cu clima y tempo ta un parti vital den strategia global a
yega na un maneho duradero.
E comunidad di WMO lo sigui apoya paisnan den buskeda di desaroyo apropia den maneho pa
cu cambionan di clima den e sentido di duna apoyo cientifico y servicionan operacional pa
tempo, clima, hydrologia , oceano y entorno.

http://www.diario.aw/2016/03/un-mensahe-na-ocasion-di-dia-mundial-di-meteorologia-2016/