Page 22 - MIN TTC 24 MAART 2016

Crecemento di turismo pa Aruba ta sigui cu 4.9%

pa e prome dos luna di 2016

on: March 23, 2016In: LocalNo Comments
Print Email
Aruba su turismo ta sigui expande y nos por wak esaki riba varios tereno.
Compara cu e prome dos luna na 2015, por nota un crecemento di 4.9% pa cu bishitantenan pa nos isla
pa januari y februari 2016 hunto, un total di 9.352 bishitante mas.
Turismo ‘stay-over’
Aruba ta wordo representa den tres diferente continente. Compara cu e prome dos luna di 2015,
turismo procedente for di e continente Norte Americano a baha cu 0.1%. E region di Caribe a confronta
retonan den luna di januari pa cu e mercado Norte Americano debi na e winter suave den e parti
noordoost di Merca cu ta cubri 57.5% di turismo total pa Aruba. Februari a mustra positivo pa e
mercado Mericano y lunanan binidero ta mustra fuerte.
Latino America a aumenta cu 9.3% di cual Venezuela a subi cu 13.8% y Colombia a subi cu 30.6%. E
continente di Latino America a trece 32.5% di e total di turismo pa Aruba.
Pa loke ta Europa nos ta mira un aumento di 1.2%. Hulanda a baha cu 6.9%, y Zweden a aumenta cu
17%. E continente aki ta cubri 6% di turismo pa Aruba.
Turismo crucero
Pa e prome dos lunanan di 2016, 183.108 pasaheronan crucero a bishita nos destinacion. Nos waf a
yama bonbini na un total di 90 barconan crucero (38 crucero na februari 2016) cual ta 12.5% mas
compara cu e mesun temporada na 2015. Durante luna di januari, Aruba a conoce un dia di record, cual
tabata 27 di Januari riba cual dia a yega un total di 16.097 pasahero incluyendo tripulantenan. Ora
turistanan procedente di crucero ta bishita nos isla, nan ta laga un averahe di US$ 112.= pa pasahero
den nos economia atras, di acuerdo cu un investigacion di BREA (Business Research & Economic
Advisors, September 2015).
Turismo en general
Tin diferente generacion di bishitantenan cu ta biaha y bishita. Si nos mira esaki pa cu edad pa e luna di
februari, mayoria bishitantenan en general pa Aruba tabata entre edad di 50 pa 59 aña (18.8% di e
market share) sigui pa e bishitantenan entre edad di 30 pa 39, cu ta 16.8% di e market share. Aruba tin e
rate mas halto den Caribe pa loke ta e bishitantenan ‘repeat visitors’, cu ta 47.5% di e total di