Page 23 - MIN TTC 24 MAART 2016

bishitantenan pa Aruba. Pa februari, e top rasonnan di e turistanan pa pasa vacacion na nos isla tabata
pa nos solo y nos beachnan (73.9%), como tambe pa e shopping cu nos isla ta brinda (5.1%).
Acomodacion
Aruba ta ofrece su bishitantenan un variedad di acomodacion pa aloha. Mundialmente durante e ultimo
añanan por ripara un ‘trend’ nobo, na unda e bishitante por scoge pa keda na un acomodacion
diferente, manera un cas di vacacion (“vacation home rental”), villa, of apartamento, pa un experiencia
diferente enbes di keda den un hotel. Pa e luna di februari, 34.8% di e total di bishitantenan pa nos
destinacion a keda den un asina yama acomodacion alternativo. 35.8% a keda na un high rise hotel y
22.3% e keda na un Timeshare resort. E mercado di Merca a mira un crecemento di 20% den escogencia
di un acomodacion alternativo den e prome dos lunanan di e aña aki. E fenomeno aki ta bay man den
man cu e oferta amplio cu tin riba plataformanan manera Airbnb, VRBO, Homeaway, Expedia etc.
Economia
Di acuerdo cu CBA e asina yama ‘Tourism Receipts’, te cu luna di september 2015, a contribui cu US$
2.217.8 miyon pa cu nos economia cual ta un aumento di 3.8% compara cu e mesun temporada na
2014.
Hotelnan / AHATA
Segun AHATA pa e prome dos lunanan di 2016, e ‘Average Daily Rate’ (ADR) a baha cu 1.1% compara cu
2015. Esaki den cifra ta US$ 307.01 na 2015 compara cu US$ 303.61 pa 2016. E ganashi pa camber, e
asina yama REVPAR a baha cu 6.7% di US$ 263.70 na 2015 pa US$ 246.10 na 2016. Por nota cu entre
otro, hotelnan ‘high rise’ a mustra un bahada pa cu e mercado Mericano durante e promer dos lunanan
di aña, mientras cu e acomodacion alternativo a subi pa e mercado aki. Tambe mester keda tene na
cuenta cu Caribe completo a mira un januari cu un mercado Mericano mas ‘soft’. Pa loke ta e mercado
di Venezuela ya ta conoci cu esaki ta scoge pa gran mayoria e tipo di acomodacion alternativo, y tambe
mester remarca cu diferente mercado ta pasando den retonan economico y pues ta rindi menos, entre
otro Brazil. Conhuntamente cu AHATA a activa un plan di accion inmediato pa asina surpasa e meta
inicial di 6% mas bishitante for di Merca e aña aki, asina beneficiando entre otro e hotelnan.
http://masnoticia.com/crecemento-di-turismo-pa-aruba-ta-sigui-cu-4-9-pa-e-prome-dos-luna-di-2016/