Page 10 - KPA 15 DEC 2015

Polis Alex Pieters durante presentacion na MFA Noord: E ultimo responsabilidad ta keda
na e chauffeur mes
Monday, 14 December 2015 21:43
Comparti

Alex Pieters, di motorbriggade di Cuerpo Policial, a duna su comentario riba un presentacion cu a tuma
luga den MFA Noord, pa un grupo di stagiaire cu a bin for di Hulanda. Durante e presentacion e
studiantenan a boga pa mas control, siendo cu nan ta haciendo un esfuerzo hopi grandi como cuerpo
policial.

No ta hopi obvio, pasobra e verhouding entre pueblo y polis ta hopi chikito. Loke si e agente a haya ta bon
di e campaña cu a yega na un punto cu tin cu haci cada persona conciente di su responsabilidad. Polis ta
haci su parti di control, leynan tey. Minister ta haci nan parti. DOW ta drecha caminda pa hacie safe. E
ultimo responsabilidad ta keda na e chauffeur toch.

No tin cu lubida cu na tres bebida ta wordo considera como bao di influencia. Esaki ta midi
mundialmente. Pesey 220 ug/l cu ta cminsa na detene hende, ta reach despes di bebida di alcohol. E tres
bebidanan aki no ta haci diferencia, e ta bay na e cantidad cu bo ta bebe. Whiskey ta wordo gemixed cu ijs
y awa, pero cerbes y biña ta e cantidad completo loke tin den botter. Hendenan aki tin e tendencia ta bisa
cu nan por bebe 4 y 5 y core. No tin cu lubida cu despues di 3 bebida, reaccion riba caya ta baha cu mey
seconde. E mey seconde aki ta haci un diferencia caba, coriendo 80 km pa ora, cual ta tuma mas of menos
20 pa 22 meter pa reacciona. Prome cu kita pia for di trot y primi brake, ta 22 meter y e mey seconde aki
ta pone mas of menos un 8 pa 9 meter mas riba dje. Ta hopi factor cu hende ta lubida cu e persona ta sinti
su mes bon y ta core y esey ta un parti di e cultura cu loke a wordo demostra den e presentacion aki cu nan
ta bay basa nan campaña di cuminsa cambia e actitud di e chauffeurnan, e cultura cu nos tin di dal drinks,
y awo vooral den e periodo aki di December, despues carnaval, semana santa, y asina por sigui. Polis ta
haciendo control tur fin di siman y lo enfoca riba areanan cu sa cu tin actividadnan grandi y controlnan
grandi lo bay para auto at random y ta pidi cooperacion cu publico.

Hopi biaha polis ta para un auto e sa haya hopi critica. Ora cu polis para un auto, e conductor ta obliga pa
coopera y ta obliga di supla. E persona ta wordo deteni di biaha y ta wordo cera pa investigacion.

Pieters a sigui splica cu a haya tende durante un curso na Canada cu multanan eynan ta hopi halto.
Multanan sigur ta haci diferencia. Tin cambionan den ley cu por yuda cu polis. Paisnan cu a pasa den hopi
di e problemanan aki caba, a cuminsa baha e orario di e algun bar y clubnan nocturno. Si hendenan stop
di bebe banda di 12 of 1’or no ta dje tanto malo, compara cu si laganan bebe te cu 5’or di mainta. A
confronta cu hopi di e situacionnan aki cu juist ora haci e control banda di 11’or of 12’or di anochi, no ta
haya dje tanto hende cu ta bebi en extremo. Mashin ta marca, pero no cu e ta prohibi. Ora cu pasa 2’or di
madruga, e ora ey echt ta haya e hendenan cu ta hopi bao di influencia cu por causa cu por pone hende na
peliger riba caminda.

Tin hopi hende ta core bao di influencia di alcohol. Aruba tin mas of menos 110 mil habitante y compara
cu polis tin mas of menos 500 plus 150 riba caya, pa por gara tur cu ta bebi, no por. Pero ta sigui haci
control y tin biaha enfoca riba cierto areanan y ta bay hopi biaha riba maneho y comportacion di e
conductor. Si mira un auto core duro y e auto pasa mey mey di caminda, un auto ta haci un cos straño, ta
lanta sospecho y polis ta pone su atencion. Ta purba di kita esunnan cu ta riba caminda cu ta echt causa
un peliger, Pieters a termina.

http://www.24ora.com/policial-mainmenu-8/103193-polis-alex-pieters-durante-presentacion-na-mfa-
noord-e-ultimo-responsabilidad-ta-keda-na-e-chauffeur-mes