Page 14 - KPA 15 DEC 2015

Un siman y nada ainda, “Yellowman” arma y
peligroso, busca pa husticia

Date: December 14, 2015
in: Local
Leave a comment

Dialuna 14 di December a habri, solo a sali pa cuminsa un siman nobo, un siman mas serca di
pasco. E siman aki tambe misa di aurora lo cuminsa, caminda catoliconan lo bay misa 5'or di
mainta pa 9 dia largo wardando nacemento di niño hesus.

Loke mi kier a trece dilanti ta mientras tur esaki ta pasando diasabra ultimo a hiba Bongo
e bouncer di Fam Damian su ultimo luga di sosiego, famia y conocirnan a cana cune su
ultimo caminda den santana. Un caminda cu e no a escoge, pero un caminda cu un homber
cu odio y cu un arma di candela den su man a scohe pe.
Yellow of Yellowman ariba 7 di december 2015 den ora nan di marduga ta tira ariba dos
bouncer dilanti Olde Molen den boca di esnan cu ta sali hopi Molen.
Rabia of kier a mustra su poder ora cu e tabata tin un revolver den su man, y cu e momento ey e
tabata decido pa use y a use tambe ariba dos persona inocente. Uno ta fayece y e otro ta den
I.C.U luchando pa hala rosea y keda na bida.
Manera a bira conoci ta kende a tira mes ora ariba social network nan a cuminsa circula e potret
di e persona cu a tira, cu ta conoci ariba caya bou di e nomber Yellow of Yellowman.
Autoridad mes ora a cuminsa acumula mas informacion posibel pa asina gara Yellow y kite for
di caya mas lihe cu ta posibel prome e haci mas daño y tambe pa wordo husga mas cu claro.
Ministerio di Husticia ta manda comunicado, cu ta duna 5mil florin pa e "tip di oro", esey tabata
ariba 11 di December, pues 3 dia pasa.
Awor e ventaha y desventaha pa autoridad ta cu momento bo saca foto ta ken e persona of
personana cu a comete cierto acto ta cu bo ta bay haya tipsnan na cantidad. Pues cu nan lo a
señala e persona aki y aya, mas cu claro autoridad tin cu tuma e tipsnan na serio, y vooral cu ta
trata di un persona manera esaki.