Page 15 - KPA 15 DEC 2015

Informacion nan cu ta circula ta bisa cu Yellow lo ta move entre cierto districtonan y cu te hasta
e lo por ta usa makiyahe pa tapa su tattoo nan. Pero, esaki ta rumornan y pa no daña ningun
investigacion nos lo no pone e area, y cu probablemete autoridad tambe lo a tende di dje.

Algun dia atras autoridad arma y cu full un team a drenta e rooi na weg rooi hundo, paso un
supuesto tip a drenta cu e lo ta eyden, pero no tabata tin niun hende.

Dialuna aki den ora trempan un potret di Yellow cu mas amigo ta aparece ariba social media,
pero no por prueba ki tempo e potret ey ta saca, pues un biaha mas bo por asumi yen cos.

Cu autoridad ta trahando cu tur loke nan tin nos no ta duda esey, y cu nan lo gara Yellow nos ta
convenci tambe di esey.

Solamente cu e holoshi ta tik, y tempo no ta warda. Si nos tur copera y duna informacion
corecto pa asina autoridad detene e persona aki mas lihe posibel, cu ta sumamente peligroso y
casi sigur ta arma, prome e comete un locura atrobe.

Con e capitulo aki lo bay caba ta den man di e Yellow, e mester dicidi kiko e kier. Keda
core pa husticia of presenta na un warda di polis y entrega su mes.

E ta den su man.

http://boletinextra.com/un-siman-y-nada-ainda-yellowman-arma-y-peligroso-busca-pa-husticia-2/