Page 21 - MIN ECEM

AWEMainta Diasabra, 21 October 2017 31

Diaranzon awor na MFA Paradera EN conexion cu periodo di horcan, Museo Arque-

Charla di Museo Arqueologico ologico Nacional Aruba (MANA) hunto cu MFA
Paradera, ta ofrece publico un charla sumamente
di investigacion tocante un interesante di un investigacion riba un naufrago di
kende su restonan di skelet a ser haya na Puente/
naufrago na Puente/Andicuri Andicuri algun aña pasa.
E charla aki, como tambe un exhibicion tempo-
rario 3D tocante arqueologia marino, lo tuma
lugar diaranzon awor, dia 25 di october, di 7’or pa
9’or di anochi den sala grandi di MFA Paradera.
Mas cu claro lo percura pa un pasa boca dushi y
algo di bebe p’e bishitantenan.

E sala di exposicion di Museo Arqueologico for di
luna di maart di e aña aki, manera ta conoci, ta
sera pa publico en conexion cu trabounan di man-
tencion di cual e parti cu ta tumando mas tempo,
t’e trabounan di desmantelacion y instalacion di
ful un sistema nobo di airco pa henter e compleho.
Pa haci esaki posibel y pa percura cu niun material
arqueologico ta haya daño a causa di e calor, ni
durante e trabounan cu mester ser haci, a saca al-
gun obheto for di e sala di exposicion permanente.

Ademas p’e compania di instalacion di e sistema
di airco por haci su trabou debidamente, mester
desmantela cierto area den e sala di exposicion
pa un otro compania cu experticio den esaki.
Manera ta di compronde, esaki tambe ta tuma su
tempo, pasobra e mester ser haci na un manera
responsabel.
Mientrastanto cu e trabounan aki ta tumando
lugar n’e compleho di MANA, ta sigui brinda
publico e servicio di duna informacion tocante
nos antepasadonan.

Studiante y alumno di scol cu mester traha un
werkstuk, raport of spreekbeurt pa scol semper
por acudi na oficinanan di MANA pa haya e in-
formacion necesario.
Ademas MANA ta forma parti di e exposicion tem-
porario na Archivo Nacional Aruba, como tambe
tin un exhibicion temporario 3D den cuadro di
‘Museum goes Tec’ na Biblioteca Nacional Aruba
pa tur bishitante di e centro educativo aki.

Banda di esaki ta ofrece charla cu diferente tema
na diferente localidad y e biaha aki ta trece e
Museo na MFA Paradera.
Pues un y tur cu ta interesa den historia di nos
antepasadonan y en specifico den nos arqueologia
marino, y cu no a haya e oportunidad biaha pasa,
ta keda cordialmente invita pa bin MFA Paradera,
diaranzon anochi pa 7’or, pa asina haya sa mas
tocante e naufragio cu a tuma lugar na aña 1886
a causa di un Horcan y e restonan di skelet di un
tripulante cu a ser descubri despues di Horcan
Dean na 2007.
Asina Museo Arqueologico ta keda brinda e servi-
cio na publico pa informa tur interesado tocante
nos herencia cultural arkeologico.