Page 48 - KPA FLIP 15 JULY 2017

Tin cos cu no mester bira discussion nacional mirando e
diferencia entre SPA y Mando Policial

Friday, 14 July 2017 18:23
1
Comparti

Despues di reuni cu SPA, e minister di husticia Arthur Dowers a splica cu e ta sigur cu e alto comisario ta para habri
pa papia riba tur e temanan aki y pa yega na un solucion.

Tin di compronde cu alto comisario a manda un carta pa e sindicato, caminda cu e ta bisa caminda cu cierto
expresion cu nan a haci a atacha su integridad y cu el a pidi nan pa rectifica esaki. E minister tin confianza cu nan cu
otro, lo yega na un solucion, aclariacion di e situacion aki y cu den un temporada cortico por sigui cu e discusionnan
pa loke ta trata e preocupacionnan cu a wordo haci door di e sindicato.
Pa duna un ehempel, a wordo bisa cu no ta haya uniform suficientemente lihe, ta algo cu no mester bira un discusion
nacional y mester leid na un protesta di polis pasobra entre otro esey ta un cos cu mester por wordo soluciona hopi
facil door di esnan cu ta sostene e maneho di e organisacion. Sinembargo ta haya diferente punto chikito. Por
imagina cu nan por bira puntonan di iritacion. Pero e combersacion cu a hiba a bay den bon ambiente, cu no ta spera
cu lo tin disturbio den e dianan cu ta sigui pa loke ta trata e funcionamento di nos Cuerpo Policial y tampoco e
servicio cu Cuerpo Policial ta brinda nos comunidad. Tur sinta na mesa ta en todo caso di acuerdo cu otro cu tin un
meta comun y esey ta aumenta y percura pa garantisa siguridad di nos comunidad. Tur ta di acuerdo tambe cu
Cuerpo Policial a haci un adelanto sumamente grandi den mehoracion di e servicio aki. Ta di acuerdo tambe cu otro
cu e retonan ta hopi grandi, mirando loke ta pasando mundialmente y den nos region y cu mester ainda coopera
mas, no solamente cu organisacionnan of cu departamentonan den Cuerpo, pero otro organisacionnan. A duna
splicacion tambe na e miembronan di e diferente structuranan cu a wordo crea den e aparato di husticia pa logra e
comunicacion aki. Tin cu bisa cu e reaccionnan tabata positivo pa loke ta e sindicato pa loke ta e aspectonan aki. Den
e siman cu ta bin por sigui cu e combersacionnan y ta spera tambe cu esaki sigui den un bon ambiente, segun
minister Dowers.