Page 49 - KPA FLIP 15 JULY 2017

Minister Dowers a haya un splicacion amplio kico ta e

puntonan di preocupacion di SPA

Friday, 14 July 2017 18:19
1
Comparti

Minister Arthur Dowers tabata tin un reunion importante cu e sindicato di Polis. Nan tabata poco preocupa algun dia
pasa.

Nan a haci cierto expresionnan y tabata tin un encuentro. E preocupacion di nan ta cu mando policial.
Minister Arthur Dowers a haya oportunidad ayera pa sinta cu e sindicato di Polis, caminda cu shete miembro tabata
presente. Eynan a intercambia di idea riba diferente di e topiconan cu nan kier a trece padilanti. Prome cos cu a
papia riba dje, ta e expresionnan cu a wordo haci siman pasa den direccion di e alto comisario, caminda cu a bisa cu
no tin confianza den dje. A haya un splicacion di parti di e sindicato cu si e expresionnan aki a bin afo, dunando e
impresion cu nan lo ta para pa e retiro di alto comisario, esey no tabata nan intencion.
Esey pa e minister caba ta haci e asunto mas facil, pasobra a aclarea kico ta e posicion. E ta habri caminda tambe pa
por sigui traha den forma harmonioso cu otro. Den tur organisacion mag di tin discusion. Si na tur momento mester
corda respeta posicion di cada hende den un organisacion asina ey, sea cu e ta halto of abao, mester tin e respet
mutuo den e organisacion.
Ora cu esey a wordo aclarea, a bay trata riba e aspectonan di e contenido di e preocupacionnan di e sindicato. Tin cu
bisa cu ta mira cu varios di e puntonan aki tin di haber cu comunicacion y e parti mas principal ta cosnan den e
esfera logistico. No ta asina cu mayoria di e puntonan tin di haber cu e calidad di e polis, calidad di e Cuerpo Policial,
calidad di e maneho, pero si hopi biaha den e cosnan pa sostene e trabao di polis. Tur e puntonan cu a bin padilanti,
a palabra cu lo atende cu esaki tambe cu leiding. Pero segun e minister, e parti di mas importante ta, cu e puntonan
aki, lo e manda door pa leiding, pa asina nan por tin un discusion amplio riba nan den henter e organisacion.
Si bisa di un keho cu por a drenta cu tin un caminda cu tin cierto defecto na un edificio, esey ta un cos como minister
di husticia, no por haya sa pasobra e no ta traha den e edificio ey. E por tende solamente si un trahado bisa esey. Pero
si tin den e organisacion hende cu ta wordo paga pa tene cuenta cu e aspectonan aki y ta importante cu si e
organisacion ta haya cu nan miembronan ta keha cu esaki no ta wordo haci, e ora aki ta cuestion di bay den henter e
hirarchia di e organisacion y mira dicon e cosnan aki ta keda para di e forma aki.
Loke a splica e sindicato cu e discusion cu ta wordo hiba, ta un discusion cu tin di haber cu e maneho y un maneho
primario di aspectonan primario di e trabao di polis, pero tambe un parti grandi den e parti di logistica, e parti di
sostenemento di e trabao di polis. Esey ta nifica cu ta otro partidonan cu no necesariamente ta polis, ta bin in the
picture.