Page 52 - KPA FLIP 15 JULY 2017

Chauffeurnan di truck protestando y blokiando caminda
contra contratista di Watty Vos Blvd

Friday, 14 July 2017 17:45
1

Comparti

E chauffeurnan di trucknan di Aruba ta malcontento pasobra nan tambe kier trabou riba e Watty Vos
Blvd. Nan a mira cu tin un cantidad grandi di truck cu a yega Aruba.

Ekiponan pisa cu e contratista Mota Engil lo usa riba e proyecto cu nan ta bezig cune. E ekiponan pisa aki
a yega for di exterior. Na waf di Barcadera parce tin algun ekipo a yega caba. Awor nan lo a mira mas
ekipo yegando y ta basta hopi parce a yega. E contratista tin un trabou pa cumpli cune y a trece ekipo cu
nan lo ta usa tambe pa proyectonan den exterior. Ora caba dimes e ekipo aki mester bay bek di unda nan
a bin. Mientrastanto e trucknan local ta kere cu ta na su lugar pa nan por haya e trabounan aki. Nan no ta
haya corecto cu e contratista ta bin cu tur e trucknan di afo mientras cu na Aruba mes tin ekipo cu ta para
of cu poco trabou. Nan tambe kier gana haciendo trabou riba Watty Vos Blvd. Mirando loke ta pasando, a
pone cu e chauffeurnan di truck a uni y nan tin un chatgroup pa comunica y a reuni blokiando caminda
na Cumana. Algun di nan ta mesunnan cu biaha pasa tampoco kier a paga number a base di e sistema di
pago cu a wordo cambia. E blokiamento di trafico diabierna atardi a tuma lugar na trabou andando na e
futuro rotonde di Cumana banda di Ex Codemsa. Probablemente e ekiponan aki ta localnan mester usa
esaki riba e proyecto ora di maneha e trucknan. Lo mira con e problema aki lo wordo soluciona. No ta
conoci si cualkier compania local tambe a manda cualkier oferta mustrando interes pa traha cu e
proyecto usando nan trucknan. Polis a wordo avisa. Alto Comisario di Polisa presenta na e sitio. El a
papia cu esnan presente. Mas unidad di Polis tambe a bin mira e situacion. A purba papia cu e
chauffeurnan riba e problema aki. A tende expression di algun di e chauffeurnan cu parce nan a wordo
acerca. Pero loke nan kier paganan pa traha nan no ta acepta. Polis a pidi pa habri e caminda bek. A
tende nan menciona cu lo busca takelwagen tambe pa kita e vehiculonan for di caminda. Probablemente
lo busca manera di tene un reunion cu e hendenan pa mira con por soluciona e malcontento cu tin cerca
e chauffeurnan di truck.