Page 21 - BNDIA ARUBA

HENDE Diaranson 6 December 2017
A21

Prome Minister a celebra su cumpleaños cu

muchanan di Emma School

ORANJESTAD – Riba dia di su cumpleanjo, prome
minister di Aruba Evelyn Wever-Croes (MEP) a celebra
su dia natal hunto cu muchanan di Emma School hun-
to cu Sinterklaas y Zwarte Piet. Durante e celebracion,
cada mucha a ricibi un regalo.

Segun un comunicado di gobierno, no ta desconoci pa Aruba
cu pa nos prome minister sra. Wever-Croes, muchanan tin un
prioridad grandi y un luga hopi special den su curason. “Pa e
motibo aki tambe riba dia di su cumpleaño, e mandatario di
nos pais a celebra esaki den compania di muchanan.”

E comunicado ta sigui bisa cu tabata un honor pa prome
minister ricibi muchanan di Emma School na Fort Zoutman
diamars mainta. Lyonell Dirkzs a anima e celebracion aki en
bibo den su programa di Mainta Diferente na TOP FM, na
unda esunnan na cas tambe por a disfruta di cumpleaño di nos
prome minister. Juffrouw Jenny Boekhoudt, den nomber di
cabesante y demas docentenan y alumnonan di Emma School,
a haci entrega di un regalo na sra. Wever-Croes, kende a apre-
cia esaki masha hopi mes segun e comunicado di gobierno.
“Pa Prome Minister sra. Evelyn Wever-Croes tabata un gran
placer pa mira caranan contento di tur e muchanan di Emma
School. Y a encurasha nan tur pa nan sigui haci nan best na
scol. Y alabes desea nan tur feliz dianan di fiesta binidero.”

Na e ocasion aki prome minister a tuma tempo pa gradici tur
esunnan cu a haci su cumpleaño asina special, cuminsando pa
Party Express cu a regala e muchanan Dino Jump y tur su ser-
vicio riba e dia aki. Tambe el a gradici su colega Minister Chris
Romero cu a percura pa un Arubus busca y hiba e muchanan
di Emma School pa Fort Zoutman. Finalmente sra. Wever-
Croes a gradici Emma School pa bin celebra hunto cu n’e y
haci e dia aki asina inolvidabel p’e, e comunicado di gobierno
a termina bisando.