Page 13 - Djarason 17 Novèmber 2021.pdf

Djarason 17 Novèmber 2021
Entrega di premio di Liga
Amstel ku Thrillers kampion
WILLEMSTAD.- Thrillers a bira kampion di premio dor di direktiva di Liga Amstel. Di
di Liga Amstel djasabra 6 di novèmber 2021. dos lugá a terminá Cicoza i Gamers a kaba
Djadumingu 14 di novèmber tabatin entrega number 3.
...Thrillers kampion. Anthony Leonora,
general manager ta tuma kopa huntu ku
hungadónan...
...Calten Daal (Thrillers),
MVP play-off final... kampion bate (.737)...
...Gamers di 3 lugá...
.Cicoza supkampion, Faries ta tuma kopa..
...Raylison Gijsbertha
(Cicoza) kampion picher
...Carlos Peña di Terrepower,
...Rekonosimentu di Liga pa umpirenan... tambe by the way den Beisbòl Veterano rumbo pa 2022. Nos
13
MUNDU DEPORTIVO
Fanátikonan di Extra Inning, bon dia. Djasabra awor
ta kandela grandi mes tin na Van Engelen Ballpark, na
momentu ku ekipo Ban Serio topa ku Baranka den wega
number 3 di e seri semi-final di Liga 50 di Sòftbòl. E
wega ta programá pa start 2 or na Van Engelen Ballpark i
probablemente Sports.cw lo transmití e wega aki bibu pa
tur fanátiko di Slowpitch na Kòrsou, Aruba, Boneiru, Sint
Maarten, Isla Ariba i Hulanda. Bon ya, hopi Yu di Kòrsou,
entre otro na Puerto Rico, USA i otro paisnan na Oropa.
Saludo pa Jopito Cijntje ku tin basta aña na Medio Oriente
i ta sigui tur informashon di Slowpitch i Beisbòl Veterano
for di kaminda e ta biba.
* * * * *
Ban Serio a gana Baranka 2 pa 1 den promé wega i
Baranka a derotá Ban Serio 6 pa 5 den wega number 2,
segun nos. Nada ainda di resultadonan di direktiva i no
tabatin detaye riba Game Changer. Pitufos a sweep ekipo
Lions den dos wega. E promé wega a terminá 12 pa 5 i
despues wega number 2 a kaba ku skor di 10-0. Pitufos lo
warda un siman pa topa e ganadó di Baranka/Ban Serio.
Final lo start probablemente dia 27 di novèmber 2021 na
Van Engelen Ballpark. Djasabra awor por spera Kenny
Hellement pa Baranka kontra di Tucu Martinus pa ekipo
Ban Serio. E dos pichernan aki a enfrentá otro den un
tremendo duelo di picheo.
* * * * *
Swift a bira kampion djadumingu último ku dos viktoria
fásil riba Navegantes. 16-0 den wega number 1 i 15-0 den
wega number 2. Super fásil. Tempu di ekiponan Baranka,
Dalpega, Buena Vista Power etc., Swift mester a lucha pa
bira kampion, pero despues ku tur e ekiponan aki a move
bai, e kos a bira fásil i Swift ta kampion for di 2015, ke mèn
6 título siguí i na 2020 no tabatin kampionato di Liga van
Engelen, debí na COVID-19. Awe nos tin pòtrèt di entrega
di premio tantu di Liga van Engelen komo Liga Amstel.
Den Liga Amstel e kompetensia ta mas pèrtá. Thrillers ku
ta kampion di 2021 i 2019 ta haña kompetensia fuerte di
Bombers, Cicoza, Gamers, Sugar etc. X-Treme i Terremoto a
kai pisa den 2021 apesar ku nan tin bon ekipo riba papel.
* * * * *
Ban pa Liga 50 di Beisbòl ku a sigui normal djadumingu
na Vi Jansen Ballpark ku dos partido. Den e promé wega
e ekipo Sigi Hunga a gana Vosama pa default. Ekipo
Vosama tabata bayendo bon i ta un dje kandidatonan pa
yega final. Ekipo Vosama ya a klasifiká pa final. Den e otro
wega Jandoret Raiders a gana Yesterday pèrtá ku skor 3-2.
Jandoret ta na promé lugá ku rèkòrt di 6-1, siguí pa Sigi
Hunga 5-2-1 (empate). Vosama a kai na 4-3, Yesterday 3-4
(4-0)... i Otrabanda den sótano. Tin chèns ku play-off lo bai kai
pareu ku play-off di Liga 50 di Sòftbòl.
* * * * *
Nos a risibí informashon ofishal di direktiva di Liga 50 pa
loke ta trata weganan ku ta sigui. Djasabra 20 di novèmber
12 or ta Flamboyan Tigers – Artemisia, 2 or Baranka vs Ban
Serio. Lo tòs pa disidí home team. Final ta start djasabra 27
di novèmber 2 or Pitufos vs ganadó Baranka/Ban Serio. E
ganadó di Baranka/Ban Serio lo ta home team. Di dos wega
di final lo tuma lugá djadumingu 2 or. Si ta nesesario lo
hunga wega number 3 di e seri final djasabra 4 di desèmber
kaminda lo tòs pa saka e home team. En todo kaso djasabra
awor kandela entre Ban Serio i Baranka i lo tin hopi hende
na Van Engelen Ballpark.
* * * * *
Liga Femenino di Sòftbòl Veterano tin un liga pa start
dia 4 di febrüari 2022. E liga lo yama The Diamond Stars
League. Parse ku Rising Trotters ta tras di e liga aki. Ta
un liga nobo di Sòftbòl Femenino Veterano ku ta bini
probablemente na lugá di All Stars League. Liga Streanan di
Ayera tambe ta pendiente pa bini bèk ku Liga 35+ huntu ku
e 50+ ku a resultá un éksito rotundo. Bastante moveshon
ta keda te aki. Te djabièrnè ku Poder di Dios.