Page 3 - MIN TTC SEPT 25, 2015

2 AWEMainta Diabierna, 25 September 2015

Aruba Bank ta haci donacion pa restaura y
conserva California Lighthouse

Sosteniendo nos
herencia, invertiendo
den futuro

TA CU masha placer y honor Aruba Bank ta anuncia nan

contribucion importante na restauracion di un piesa historico
y cu gran balor cu lo wordo treci bek den su condicion original
pa futuro generacionan. Aruba Bank en coneccion cu nan
celebracion di nan 90 aniversario a compromete su mes cu
Stichting Monumenten Fonds Aruba (SMFA) pa apoya e trabao
di restauracion di e “Lighthouse” na Hudishibana y cu ta data
for di cuminsamento di siglo 20.

E fondonan ta cubri un parti di e restauracion di e structura,
ta inclui trabaonan di renobacion di e monumento mes, como
tambe crea un area cu ta sirbi como mirado n’e top di e structura.
Lo permiti bishitantenan y e comunidad local aceso p’e parti
paden di e edificio y e mirado. Empleado y clientenan di Aruba
Bank lo tin aceso gratis na Californa Lighthouse ora cu e proyecto
keda cla otro aña.

Aruba Bank ta conoci pa hopi aña como un institucion cu
tradicionalmente ta contribui na comunidad di Aruba. Su
esfuersonan pa restaura edificionan historico pa rescata e cas
cu tabata situa den Caya Betico Croes y cu despues a bira Museo
Numismatico banda di e parada di bus na Playa. Den caso
specifico di e proyecto di California Lighthouse, Aruba Bank a
haci un donacion substancial di 150 mil florin. Asina e banco
ta confirma su compromiso pa sostene herencia di nos pais y
tambe pa promove nos cultura y historia bao di bishitantenan
y residentenan. Pa mas informacion tocante Aruba Bank, por
bishita e website www.arubabank.com.

Ladronnan ta
bay cu 20 mil
dolar for di cas

ASISTENCIA di Polis a wordo pidi diarazon 00.12, na

un cas na Seroe Blanco pa un ladronisia. Eynan e homber
O. ta bisa cu ladron a drenta den su cas y a bay cu mas o
menos 14.000 mil dolar cu ta pertenece na su compania.
Polis a controla e cas y a constata cu ladronnan a pasa
dor di e bentana di cushina y a nota cu e cas tabata
completamente bruha. Despues cu O. a bay Warda di
Polis pa duna keho a resulta despues cu el a controla,
ladronnan a bay cu 20.000 mil dolar y diferente prenda
di oro y di fantasia..Recherche a keda poni na haltura
pa investigacion.