Page 32 - KPA

4 AWEMainta Diaranson, 9 Augustus 2017

Habitantenan ta scucha tiramento

den area di Piscina Olympico

DIAMARS, alrededor di 12:45am,
habitantenan cerca di Piscina Olympico
a scucha tiramento, pa cual a solicita
presencia di Polis.

Polis a papia cu e habitantenan, kendenan
a splica cu nan a mira un Toyota Tercel
color blanco den e area. Durante control
den e area di parkeo di Piscina Olympico,
un agente policial a encontra loke na su
parecer tabata huls.

Departamento Tecnico di Polis a wordo
notifica pa saca potret pa mas investiga-
cion. Pa loke ta trata e Tercel blanco, Po-
lis a controla dos auto cu dicho estilo y
marca, pero ningun tabatin culpabilidad
den e caso.

Pa autoridad ta conoci caba cu tin descon-
ocinan coriendo rond den un Toyota
Tercel pa algun tempo caba y ta tira pa
loco. E caso tin debido atencion di Polis.
Fotos ta cortesia di ArubaNative.com