Page 65 - MIN.VOS JULY 30,2015

AWEMainta Diahuebs, 30 Juli 2015 9

Con leu e situacion di reconoce diploma di dokternan ta

Colombia t’e interes
mas grandi pa
acreditacion

DURANTE un entrevista, Minister dr. Alex Schwengle

a splica tocante e plan pa dokternan cu a of ta studia den
Latino America.

Schwengle:

“Rib’e coleganan cu a studia den region e
discusion no tin di haber ken a studia mihor
of peor sino cu tur colega cu bin traha na

Aruba, for di unda e bin, mester por filtra
cada un pa garantiza e minimo di calidad.
Ainda nos no tin e sistema aki, pero pa otro

aña nos lo tin’e cla.”

E ley bieu ta bisa cu si un dokter ta bin di Hulanda y tin
su diploma di Hulanda, automaticamente e por wordo
inscribi aki.

Si e dokter no ta bin di Hulanda, e ora lo sondea e pais di
origen si e diploma ta existi of valido pa wak si e dokter
por eherce su ofishi of si simplemente e ta presenta cu
un diploma cumpra den cua caso no por traha na Aruba.

Pa otro aña nos lo agrega e ley nobo. Dor cu Aruba ta
parti di Reino Hulandes, nos no por distancia nos mes
for di e leynan Hulandes.

E calidad Hulandes ta un bon calidad. E acreditacion
di Hulanda ta keda nos golden standard, sinembargo
e no ta bon suficiente pa nos, pasobra nos tin un otro
situacion aki y ademas e ta hoga nos.

“P’e motibo aki nos lo bay agrega otro acreditacion. Te
ainda no ta cla cua esakinan lo ta. Pero tin mester un
‘spaansprekende agreditatie’.

Mi interes mas grandi ta Colombia pa motibo cu Co-
lombia tin clinicanan cu ta fantastico y nos kier yega na
un areglo cu Colombia cu ainda mester pone esakinan
riba mesa.

Y esaki lo haci mas facil pa nos mes un yiunan di tera
cu bay studia na cierto universidad di medicina na Co-
lombia, wordo acepta aki mas liher,” dr. Schwengle ta
termina ta bisa.