Page 22 - MIN VOS 8 DEC 2015
P. 22
28 AWEMainta Diaranson, 2 December 2015
E hoben tenista
Kevin Yarzagaray
a competi den torneo
di ITF Panama Bowl
RECIENTEMENTE e atleta prospecto den e deporte di tenis,
Kevin Yarzagaray a sali pa Panama unda el a hunga den un torneo
di Federacion Mundial di Tenis ITF conoci como e Panama Bowl.
Como un tres aña pasa a inicia cu e torneo aki cual ta uno masha
renombra caminda varios hoben tenista den nos
region ta participa.
Mayoria ta tuma como un torneo di fogeo
p’asina prepara nan mes pa torneonan grandi
manera e Junior Davis Cup y Junior Fed Cup
cu lo tuma lugar na Republica Dominicana
en luna di januari pa mas exacto 24 pa 30
di januari 2016.
Hunto cu e tenista Kevin Yarzagaray a
biaha tambe e hoben tenista Evelyanne
Kelly. Mester bisa cu e torneo tabata di
halto nivel unda nos hungadornan a
bataya te final.
Apesar no a cay den e premiacion, e
fogeo aki a sirbi como un tremendo
experiencia pa ambos tenista. Por a
constata un progreso den e wega
di nos hungadornan, un muestra
cu Federacion di Tenis Arubano,
ALTB ta riba e bon caminda pa
cu nos futuro estreyanan en e
deporte di tennis.
Un danki na Comision di Subsi-
dio cu a subsidia e hoben Kevin
Yarzagaray p’e competencia
ITF Panama Bowl na Panama.
