Page 5 - AM211001

Diabierna, 01 October 2021 AWEMainta.com 5
Luigi Maduro a logra titulo di Doctor (PhD) den

fisica na Universidad TU Delft

Dr. Maduro cu lider di investigacion dr. Sonia Conesa-Boj y Dr. Maduro cu su mayornan Marlene Maduro-Fingal
e otro miembronan di e comision di examinacion y Arcolino Giovanno Maduro despues di e ceremonia.

Dia 30 di september 2021, dr. Louis E investigador a presenta su estudio pa un publico di 30 invitado.
Arcolino (Luigi) Maduro a defende su tesis Por mira e grabacion riba e website di TU Delft:
doctoral exitosamente na Universidad TU
Delft y a obtene e titulo di doctor. Den e https://collegerama.tudelft.nl/mediasite/play/b41716bf841c45b
aula di TU Delft, un comision cu ta consisti 889d4906438dadb7c1d
di academiconan di diferente universidad
rond mundo a examina dr. Louis Maduro, y
a aproba su disertacion.

E titulo di e disertacion di dr. Maduro
ta ‘An Edgy Journey with Transition
Metal Dichalcogenides: From Flakes to
Nanopillars’. Den e estudio aki dr. Luigi
Maduro a desaroya un estructura nobo cu e
material TMD y a investiga e propiedadnan
di e material aki. E investigacion aki ta
contribui na desaroyo di e tecnologia di mas
avansa cu materialnan quantico.
Asina e proyecto ta aporta n’e areanan
di ciencia di material, sostenibilidad y e
transicion pa energia limpi. E fisico Arubiano
lo continua su carera academico pa sigui
contribui na un futuro sostenibel.

E buki cu a wordo publica tocante e estudio
ta inclui un sumario na Papiamento. Dr.
Luigi Maduro ta splica su motivacion pa
cu esaki: “Mi ta spera cu Papiamento por
sigui crece y por bira mas uza den literatura
cientifico”.

Dr. Luigi Maduro a nace na Aruba y a gradua
di Colegio Arubano na aña 2009. Despues di
a logra su diploma di VWO, el a cuminsa su
estudio di Fisica na Leiden, Hulanda. Na aña
2013 el a obtene su Bachelor den Fisica y na
2016 su Masters den Fisica Experimental
na Universiteit Leiden. N’e momento aki dr.
Maduro ta investigador den e departamento
di Quantum Nanoscience di e Kavli Institute
of Nanoscience na Technische Universiteit
Delft.