Page 1 - AM210917

www.awemainta.com WWW.Facebook.com/awemainta noticia@awemainta.com 583 1400 Diahuebs, 16 September 2021
Sue-Ann Ras a gradici pa bira miembro di Parlamento

E ta prefera di keda yuda pueblo den otro forma

“Mi kier tuma e momento aki, pa gradici cada un di mi sostenedornan

durante e eleccion tras di lomba y alabes dirigi un mensahe cortico na un
y tur. For di prome instante cu mi a drenta politica, mi a dicidi pa traha
pa mi pais Aruba, sin importa den ki forma.
Mi a haya e opcion pa Parlamento, di cual sigur ta un tremendo honor
pa mi asumi. Sinembargo den transcurso di e dos añanan den mi
funcion como consehero di maneho, cu e tarea specifico di coordinador
nacional di ley di Codigo di Proteccion como tambe ley di Centro di
Cuido (kinderopvang), mi a descubri un pasion nobo y mi ta determina
pa termina cu e trabounan aki”, asina Sue-Ann Ras a informa riba su

facebook su decision pa no bira miembro di Parlamento.

Sue-Ann Ras ta sigui bisa cu hopi kisas lo cuestiona, critica y algun lo
compronde y lo sostene. Pero loke p’e ta importante na momento di
tuma un decision asina importante, t’e “PAKICO”! T’esaki t’e pregunta
cardinal cu mester haci y trabou pasiona, dedica y determina den loke
uno ta kere aden, cu lo ta mihor pa bo pais.
“Mi enfoke y amor ta keda pa nos mucha- y hobennan y mi tin hopi
trabou pa haci ‘kinan.

Y no ta den Parlamento so mi lo por nifica algo, sino tambe den
e funcion cu mi a bin ta haci ya pa 2 aña, unda trahando den un
team chikito, pero super dinamico, nos ta logrando pone e simianan
necesario pa un mihor bienestar pa nos mucha- y hobennan.
Trabou tin hopi y mi ta bolbe asumi e reto di sigui traha di hopi cerca
cu e Minister di Asunto Social. Sue-Ann Ras kier gradici di curason
cada un di su sostenedornan, su famia y su amistadnan pa kere den
dje y ta para su tras den e decision aki.

“Regardless of WHAT we do in our lives, our WHY—our driving
purpose, cause or belief—never changes,” Sue-Ann Ras a finalisa su
mensahe.
Nos di AWEMainta kier duna Sue-Ann Ras un reconocimento publico.
Ta poco hende ta scoge nos pais manera el a declara. Pabien Sue-Ann.

Tired of Manually Processing Forms?

Digital Processing of Purchase Invoices and more
Seamless Integration with most Financial Software
Complete Control of Authorizations via Workflows

This OCR software scans every field on any kind of document and automatically fills the data in your preferred financial/ERP software!

TEl. 583-7072 | info@vcc-int.com | www.vcc-int.com