Page 6 - AM210917

6 AWEMainta .com Diahuebs, 16 September 2021

E ta creativo y tin talento pa busca solucion
Rashidah Maduro t’e Empleado di Luna

Tur luna Dr. Horacio E. Oduber Hospital
ta otorga certificado na un empleado cu a
destaca. E biaha aki a toca Rashidah Maduro,
enfermera riba piso Snijdend 3. E coleganan

hunto a entrega su nombramento na Hunta
di Directiva y el a wordo scogi tambe y a bira
Empleado di Luna di augustus. Coleganan a

prepara e lugar cu bunita decoracion y a invit’e
pa un supuesto ‘meeting. Rashidah tabata hopi
sorprendi. Esaki tabata algo cu e no a spera y
el a gradici tur colega cu a scog’e.

Rashidah tin cinco aña trahando na
Hospital unda el a cuminsa como Junior
Verpleegkundige. Loke e gusta di su trabou

ta traha directamente cu e pashentnan, y
claro brinda e cuido n’e pashent y esey t’e
prome motibo pakico el a scoge p’e trabou
aki. E calidad di trabou ta importante y sigur
continuamente keda mehora y bay dilanti.

Esnan cu kier traha den e tereno di enfermeria, Un persona den e tipo di trabou aki ta crece den tur sorto di
e ta conseha nan tur pa bay p’e, pasobra e ta area, pues tur sorto di aspecto, pasobra esaki ta un trabou

encera masha hopi mes, y ta super dinamico. cu bo ta traha cu diferente pashent. Constantemente tin
reto, pero asina bo ta crece y gana conocemento.

Jarvis Winklaar, Zorgmanager di Snijdend 3, a duna di
conoce cu coleganan di Rashidah a nomin’e varios biaha.
E ta un persona cu semper ta inovativo den tur loke e ta
haci y semper t’ey pa tur hende. Sr. Winklaar a duna di

conoce cu Rashidah tin curason pa pashent y ta purba tur
ora di mira con pa haci e cosnan miho.
E ta un teamplayer, tin un actitud positivo y semper ta trata
otro cu respet. E ta busca alternativanan pa trabounan por

cana ‘smooth’ y ta follow up. E ta scucha otro y ta un persona
habri pa haya feedback, pero tambe ta duna feedback ora
tin mester.

Rashidah ta un persona calmo hasta den momentonan
druk. E ta creativo y tin talento pa busca solucion.
E ta un persona cu hopi empatia cual ta un caracteristica
ideal p’e tipo di trabou aki. Entre otro dor di esakinan a

scog’e como Empleado di Luna y su coleganan ta contento
cu el a wordo nombra tambe dor di Directiva di Hospital.

Sr. Jarvis Winklaar a cuminsa traha cu Rashidah na 2019

y e ta contento cu e ta forma parti di su team. E manera cu
Rashidah ta traha ta yuda cu e trabou di dje tambe por bay
mas liher. Henter e team ta uno tremendo, pero den e caso
aki Rashidah t’esun cu a destaca y e ta bay e extra miya.

Masha pabien cu e bunita reconocimento aki Rashidah!