Page 7 - AM210917
P. 7
Diahuebs, 16 September 2021 AWEMainta.com 7
Accidente entre auto y un homber cu
desabilidad fisico riba scooter
Diaranson anochi a sosode
lamentablemente un accidente entre
un homber cu un desabilidad fisico y un
Nissan March, unda e homber riba su
scooter a bay crusa y e March a bin dal e.
Esaki a sosode net banda di Lee Feng na
Playa. E homber coriendo scooter tabata
benta abou band’i caminda y a keda
herida.
Varios unidad di Polis y dos ambulans a
acudi n’e sitio pa atende c’e situacion.
E homber a logra sinta cu ayudo di e
paramediconan cu a dune atencion
medico. Parse cu ademas e doño di e
March no tabatin su papelnan na ordo
y Polis a confisca e vehiculo. E homber
herida a wordo transporta pa hospital cu
ambulans.
