Page 8 - AM210917

8 AWEMainta .com Diahuebs, 16 September 2021
Boto di contrabanda a accidenta y desintegra net den Conchi

(Natural Pool), forsando e area marino proteha pa sera

Diaranson den oranan di merdia, ta ora cu
trahadornan di Parke Arikok a hole un aroma

fuerte di gasolin den area di Conchi. Nan a bin

topa cu un speedboat completamente kibra na
pida pida net den e Natural Pool mes.
Autoridadnan a confisca den total nuebe bulto

di droga e.o for di e awanan. Otro obhetonan

manera telefon satelite, GPS, boei y otro ekipo a
wordo haya tambe na e sitio.

Lamentablemente e pool natural a wordo

contamina cu dos baril di gasolin y hopi material
dañino pa medio ambiente, forsando e trahadornan
di Parke Arikok pa sera e area p’awor.

N’e momentonan aki e team ta evaluando e

daño ambiental y ta bezig cu limpiesa di e area.
Personal di e parke a menciona cu lo ta varios dia
prome cu e pool natural lo ta acesibel pa actividad

recreacional atrobe y lo dura lunanan minimo,

sino varios aña pa restauracion natural di e area
proteha.
Diferente unidadnan a mobilisa mesora, manera

unidadnan di crimen organisa y maritimo tanto

den aire y riba lama pa cu investigacion di e suceso.