Page 94 - MI TTC 14 SEPT 2015

Centro di Ciudad a cuminza bira un “Ghost Town”
Publication: Monday, 14 September 2015. Categoria: General

ORANJESTAD (AAN): Diasabra ta un dia cu hopi hende ta sali haci compras. Ta un
custumber wak cu centro di ciudad ta yen di auto pasobra e hendenan ta staciona nan auto pa bay
haci compras den Caya y becindario.
Diasabra a hala atencion di hopi hende cu masha tiki auto tabata tin staciona den e asina yama
“Parkeer Vak”. Esaki a duna un indicacion cu hende no ta bayendo nos centro di ciudad pa haci
compras locual ya caba ta un mal señal, apesar cu kier mustra contrario.
Hopi hende a keda disgusta cu e sistema aki. A drenta reclamo na nos mesa di redaccion
indicando cu nan tin cu cana baste leu pa por haya un parkeermeter disponible. Pa ora nan yega
bek na nan vak, ya caba nan a haya un ticket indicando cu nan a haya un boet. Djis pa e rato cu
nan a core busca un parkeermeter pa haya nan ticket.
Ta hopi tristo pa mira cu poco poco e comerciantenan di Caya Grandi y becindario ta wordo poni
den un skina, y loke ta mas grave ainda: poniendo nan negoshi na peliger.
Basta luna pasa algun comerciante mester a cera nan lugar y awor so falta cu pa falta di cliente,
esnan cu a keda, mester tuma e decision pa cera definitivamente.
Tin reaccion di diferente persona cu ta bisa cu nan no kier bay centro di ciudad pa haci compras.
Nan lo bay pa cosnan strictamente necesario.
Ya caba bay den Centro den oranan di mainta, merdia, oranan piek a bira un caos y esey ta duna
e hendenan mas rabia y ta duna nan mas gana pa no bay den Playa.
http://www.diario.aw/2015/09/centro-di-ciudad-a-cuminza-bira-un-ghost-town/