Page 5 - MIN VOS

E miho atletanan di Aruba lo ricibi nan reconocimento den
Premio Excelencia denDeporte 2015

Wednesday, 24 February 2016 16:48
Comparti

E aña aki un bes mas, Gobierno di Aruba hunto cu su partnernan ta reconoce Aruba su atletanan di aña
den e asina yama Premio Excelencia den Deporte. E evento di gala lo celebra su di 13 aña di existencia ya
cu for di 2003 a cuminsa cu e bunita proyecto unda ta honra cada deportista, ekipo, dirigente, oficialnan
y baluartenan di e deporte Arubano.
Den un anochi di gala lo haci entrega di e maximo galardon na e diferente atletanan cu a destaca den e
aña deportivo anterior, e aña aki di 2015. Diaranson 23 di maart proximo, nos miho atleta, ekipo,
dirigente, oficial y baluartenan nomina ta bini hunto pa asina wordo reconoci pa e tremendo trabou
desplega pa e deporte local. Pa loke ta e aña 2015, Premio Excelencia den Deporte ta priminti di bira
grandi ya cu alrededor di 80 atleta representando 18 federacion deportivo lo competi pa e premio
maximo. Comision Premio Excelencia den Deporte y alabes encarga cu e trabou di supervision tin e tarea
dificil pa scoge den e diferente nominadonan. Un pabien y elogio ta bay na cada atleta, dirigente, ekipo,
oficial y baluarte nomina sin lubida e deporte cu nan ta representa. Lotto, e loteria di Aruba cu semper a
para banda di e atleta y su deporte ta masha orguyoso di ta un partner den e magno evento di gala
Premio Excelencia den Deporte. Cumprando weganan di Lotto, e Loteria di Aruba manera Catochi, Big 4,
Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta
contribui na deporte riba nos isla. Meta di e fundacion ta pa organisa loteria, cambia bida di su
hungadonan y na mes momento inverti den deporte local pa medio di donacionnan na e Comision di
Subsidio.

Comentarionan (0)

http://www.24ora.com/deporte-mainmenu-7/105636-e-miho-atletanan-di-aruba-lo-ricibi-nan-
reconocimento-den-premio-excelencia-dendeporte-2015