Page 67 - MIN VOS

Djaweps 25 Febrüari 2016 7

...Akshonistanan di CPS ta aklará...

FOR DI SU NASEMENTU CPS A SORU PA UN SEKTOR MARITIMO FUERTE

...i nada di kontribushon “chipi chipi”...

WILLEMSTAD.- Manera
EXTRA a informá den nos
edishon di ayera, CPS a pone
negoshashon ku gobièrnu
riba un ‘hold’. Pa no stroba e
proseso di negoshashon CPS
a opta te na e momentunan
aki pa no ventilá su punto
di bista via di media, pero
a kompartí esaki solamente
ku e kontrapartida.
Sinembargo, despues di un
proseso ku a dura algun
aña, tantísimo konsepto i
tantu modifikashon, awor
si CPS su kana a yena.

Akshonistanan di CPS ta
splika ku maske kuantu, for
di diferente huki a tira CPS
ku lodo i konstantemente
a purba di difamá su bon
nòmber, CPS a logra di keda
focus riba e meta prinsipal
i a keda disponibel pa
sigui sinta na mesa i papia
tokante tur e aspektonan
di e konseshon. Den e
negosiashonnan CPS a
demostrá disponibilidat pa
entrega sierto aspektonan
di hopi peso, manera e
monopolio, e durashon
indefiní di e konseshon etc,
pa por yega na un solushon
i pa kumpli ku e deseonan di
Gobièrnu i CPA.

E último desaroyonan
i ekspreshonnan públiko
di diferente partidonan ta
hasi ku no tin otro opshon
pa CPS, sino di distanshá
su mes na e momentunan
aki for di e negosiashonnan
i warda riba e momentu
ku tur partido enbolbí di
parti gobièrnu, ekspresá un
opinion ku ta riba e mes un
liña.

Segun CPS, e posishon di
monopolio di nan a nase for
di eksigensia di e Gobièrnu
ulandes di e tempu ei, ku
a pone komo kondishon di
nan sosten pa por a realisá e
haf di kònteiner na Kòrsou,
ku Kòrsou mester a krea un
solo kompania di Stiwadó
pa manehá den Haf.

E eksigensianan aki
tabata konsiderando e
invershon kuantioso ku a
wòrdu hasí, intenshoná
pa Haf di Kòrsou por
obedesé na normanan
internashonal di Haf, pa
krea un eksplotashon
moderno i efisiente, di
manera ku ta duna e
terminal nobo un mihó
chèns pa éksito. Meskos
tambe ku e intenshon
pa sania e situashon
laboral insaludabel ku e
trahadónan di Haf tabata

Sigui lesa pagina 40