Page 25 - fip min.jus

http://masnoticia.com/parlamentario-mr-xiomara-maduro-minister-dowers-ta-laba-man-di-e-
preocupacion-riba-negoshi-cu-permiso-y-inmigracion/

Parlamentario mr. Xiomara Maduro: Minister Dowers ta
laba man di e preocupacion riba negoshi cu permiso y
inmigracion

 Feb 4th, 2015
 Politica

Siman pasa Parlamento a debati cu Minister Dowers riba e ola di criminalidad cu ta suta nos Pais y e situacion di
ilegalidad na nos frontera. Durante e reunion nos a haci diferente pregunta na e mandatario riba e preocupacionnan
cu ta wordo treci dilanti pa cuidadanonan di nos Pais cu ta concerni ilegalidad na nos frontera, e problemanan na
inmigracion y tambe riba e negoshi cu ta wordo haci cu permiso na nos Pais. Lamentablemente nos Minister Dowers
a keda masha corto den contesta y a laba man di e preocupacionnan treci dilanti.
Negoshi cu permiso
Nos a haci pregunta na e mandatario di Husticia si tin un investigacion andando riba permisonan cu ta wordo duna,
ya cu nos a compronde cu tin mas di 10 mil permiso cu lo a wordo duna pa trahado domestico. Nos a puntra e
mandatario si ta normal cu tanto cas ta pidi permiso pa un hende bin biba cerca nan pa haci trabou domestico.
Minister Dowers a djes laba man bisando cu e no ta minister di extranheria. Esaki sigur no ta un contesta serio cu
Parlamento ta spera di un minister di Husticia, ya cu no ta normal cu tanto permiso asina ta wordo duna y pa esaki lo
mester por tin un investigacion y e Minister di Husticia mester por ta na altura di esaki.
Inmigracion
Na varios ocacion e trahadornan di Inmigracion a trece nan preocupacion dilanti cu nan no tin material pa traha, no
tin uniform, no tin landsbesluit, no ta haya bevordering y ta mira cu e hefenan si ta haya kledingvergoeding,