Page 22 - fip min.jus

MinJus
http://www.24ora.com/politica-mainmenu-18/91406-parlamentario-mr-xiomara-maduro-minister-
dowers-ta-laba-man-di-e-preocupacion-riba-negoshi-cu-permiso-y-inmigracion

Xiomara Maduro: Minister Dowers ta laba man di e preocupacion riba negoshi cu permiso y
inmigracion

Wednesday, 04 February 2015 08:10

Comparti

Siman pasa Parlamento a debati cu Minister Dowers riba e ola di criminalidad cu ta suta nos Pais y e
situacion di ilegalidad na nos frontera. Durante e reunion nos a haci diferente pregunta na e mandatario
riba e preocupacionnan cu ta ser treci dilanti pa cuidadanonan di nos Pais cu ta concerni ilegalidad na nos
frontera, e problemanan na inmigracion y tambe riba e negoshi cu ta wordo haci cu permiso na nos Pais.

Lamentablemente nos Minister Dowers a keda masha corto den contesta y a laba man di e
preocupacionnan treci dilanti.
Negoshi cu permiso
Nos a haci pregunta na e mandatario di Husticia si tin un investigacion andando riba permisonan cu ta
wordo duna, ya cu nos a compronde cu tin mas di 10 mil permiso cu lo a wordo duna pa trahador
domestico. Nos a puntra e mandatario si ta normal cu tanto cas ta pidi permiso pa un hende bin biba
serca nan pa haci trabou domestico. Minister Dowers a djies laba man bisando cu e no ta minister di
extranheria. Esaki sigur no ta un contesta serio cu Parlamento ta spera di un minister di Husticia, ya cu no
ta normal cu tanto permiso asina ta wordo duna y pa esaki lo mester por tin un investigacion y e Minister
di Husticia mester por ta na altura di esaki.
Inmigracion
Na varios ocacion e trahadornan di Inmigracion a trece nan preocupacion dilanti cu nan no tin material
pa traha, no tin uniform, no tin landsbesluit, no ta haya bevordering y ta mira cu e hefenan si ta haya
kledingvergoeding, telefoonvergoeding, auto di dienst y bevordering. Pesey nos a trece e reclamo aki
dilanti cu e pregunta na Minister Dowers kiko ta wordo haci cu e preocupacionnan aki. E mandatario di
Husticia aki tambe a djies laba man bisando cu ta leiding mester zorg pa material y no ta tur cos un
minister sa. Banda di esaki e Minister a core pa su responsabilidad door di trece dilanti cu ta MEP a crea
problema na Inmigracion door di nombra hende na inmigracion cu no ta cualifica. Di un minister encarga
cu Husticia nos a spera un contesta mas serio ya cu ta trata aki di cuido di nos frontera. E excusa fofo cu