Page 19 - fip min.jus

E grupo specifico por crea e problemanan den comunidad segun Desiree Croes d AVP y pesey mester
atende cune.

http://www.24ora.com/politica-mainmenu-18/91397-desiree-croes-di-avp-ta-sinti-cu-cada-crimen-ta-
un-dimas

E di dos instancia hudicial den hurisdiccion fiscal
a keda realiza

· Feb 3rd, 2015
· Local

Entrante 1 di Januari 2015, a cambia (wijzigingsverordening: AB 2014 no.75) e Ordenansa nacional di
apelacion den asunto fiscal (Landsverordening Beroep in Belastingzaken) cu ta haci posibel na Aruba e
apelacion di e casonan di impuesto, entre otro di e casonan di duana tambe, na corte superior (hoger
beroep). Cu e ley aki, Corte den prome instancia di Aruba (GEA Aruba) ta bira e instancia di apelacion
(beroep) pa e casonan di impuesto di Aruba. Corte Comun di Husticia di Aruba, Corsou, Sint Maarten y di
Boneiro, Sint Eustatius y Saba (Hof) ta bira e instancia pa apelacion na corte superior.

Den ki caso y den ki termino apelacion na Corte den prome instancia y apelacion na corte superior ta
posibel?
En caso cu un ‘rechtzoekende’ no ta di acuerdo cu un decision (decision riba obhecion of decision oficial
(beschikking) di e organo gubernamental, Departamento di Impuesto of Departamento di Aduana, e por
apela door di entrega un carta di apelacion na GEA Aruba. Den e ley di impuesto y den e ley di duana ta
para pa cua decisionnan specifico por apela y tambe dentro di ki termino esaki mester sosode. Den e
casonan di impuesto, en principio e termino valido ta dos luna y den e casonan di aduana, e termino
valido ta un luna.

GEA Aruba ta trata e caso y despues ta duna un veredicto. Contra un veredicto di GEA Aruba, e
partidonan por apela na corte superior cerca Hof. Apelacion na corte superior por wordo haci tanto door
di e partido interesa, como tambe door di e organonan gubernamental implica. E termino pa inicia un
apelacion na corte superior ta di dos luna despues di e dia cu e veredicto di GEA Aruba a wordo manda.
E proceso di apelacion na corte superior ta sosode door di entrega un carta di apelacion na Hof, na e
adres di GEA Aruba.

E rekisitonan pa e carta di apelacion (apelacion na Corte den prome instancia y apelacion na corte
superior)
E carta di apelacion (beroepschrift) mester wordo motiva y e ponencia di e partido cu ta buscando
husticia, mester por wordo deduci claramente for di e carta di apelacion. Ademas mester presenta e
siguiente documentonan:
Un copia di e decision(nan) (aanslag, decision oficial (beschikkingen), acuerdo) contra di cual ta wordo
apela.
Si acaso tin un apoderado: un carta di apoderacion firma door di e interesado/apelante y e apoderado.
Un copia di e veredicto di Corte contra cual a wordo apela den corte superior.