Page 18 - fip min.jus

http://www.24ora.com/local-mainmenu-5/91387-16-hubilario-contento-cu-nan-25-ana-trahando-den-
prison

Desiree Croes di AVP ta sinti cu cada crimen ta un dimas

Tuesday, 03 February 2015 20:48
Comparti

Partido AVP tabata tin e conferencia di prensa semanal. mr Desiree Croes a comenta riba un reunion
publico cu a dura dos dia. Un reunion cu fraccion di MEP a pidi segun Desiree Croes di AVP. Nan kier a
tende di e desaroyo negativo den criminalidad.
Nos ta un pais turistico y criminalidad por causa hopi danjo. E prome cos cu a pidi durante e reunion
tabata cifranan. Den e contesta e minister a presenta cifra concreto. A mustra e cantidad di hoben den
criminalidad y tambe e crimennan cu a wordo soluciona. Cada crimen ta un dimas. E mihor manera pa
atende criminalidad ta pa laga scol di polis habri. Tin un mocion tambe pa esnan adulto cu acerca
hobennan via internet. Desiree Croes di AVP a splica cu e mocion ta mescos cu e ley via internet na
Hulanda unda un adulto cu basila un menor via internet haya castigo. Proteccion pa victima di abuso
sexual tambe ta algo cu a papia riba dje den parlamento. Un hende cu bira victima di abuso sexual
cualkier biaha den su bida por entrega keho contra e abusador. Ta importante pa mira e diferente leynan
wordo realiza. Tin hende cu desde chikito a wordo abusa y ta cana cu trauma. Mester duna e oportunidad
completo pa un persona por haya husticia ora bira victima di abuso sexual. Mientras cu varios miembro
di MEP ta elogia minister di husticia e lider ta presenta un mocion di desconfianza pa e minister. Desiree
Croes durante e conferencia di prensa a splica mas. E asunto di leerplicht na Hulanda kier cambie pa
hacie un obligacion. E derecho kier hacie un obligacion. Mester busca un manera pa gara e hoben cu no
ta bai scol y ta bai den mal caminda. Mester busca manera pronto pa gara e hoben cu ta bai den mal
caminda a base di e cambionan aki. Tin situacion unda hopi ta puntra unda mester bai cu e mucha awor.