Page 15 - AM 240909 2.1 final draft

Dialuna, 9 September 2024 AWEMainta LOCAL 15

Recordando Laura Wernet-Paskel riba fecha di su fayecimento

Señora Laura d.f.m a nace dia 18 di februari 1911 y a fayece

8 di september 1962. Pa recorda señora Laura su 62 aña
di fayecimento, a invita e famia grandi di CLWP, sra. Laura
su famia, su conocinan y tur otro cu ta aprecia tur loke el
a haci den su bida, pa asisti diadomingo cu a pasa, dia 8 di

september na un Santo di Sacrificio di misa na Inmaculada
Concepcion na Santa Cruz.

Alabez pa pidi nos Señor bendicion pa e aña escolar 2024-

2025, pa gradici pa tur e bendicionnan ricibi y pa e bunita
reconocimentonan cu sra. Laura ainda ta sigui ricibi despues
di su partida di e mundo terenal aki.

COLEGIO Laura Wernet-Paskel (CLWP), e scol basico
resorta bou di Stichting Katholiek Onderwijs Aruba (SKOA),

ta carga cu orguyo e nomber di Laura Wernet-Paskel d.f.m.
Un señora cu tabatin un bida remarcabel cu pa awo lo ta
conoci pa mayoria di e pueblo. Aki nos ta menciona algun
ehempel di su pasonan extraordinario, sigur pa su tempo-

rada.

Cu 15 aña el a bay Hulanda den barco. El a bay studia pa
juffrouw di scol y na 1931 el a obtene su diploma. Banda di

su trabou como maestra, boluntario el a dirigi negoshi di su
famia hunto cu su casa.

E tabatin un biblioteca na su cas, unda cu por a

fia buki. Pastoor, soeur y e frerenan tabata haci
bon uzo di e prestamento di buki aki. El a scirbi
e buki na Hulandes ‘Ons Eilandje’. E tabata e
prome figura feminino cu a subi un lista politico.

E tabata un luchado contra inhusticia. El a lucha
p'e derechonan di e hende muhe y e tabata kier
mira pa e hende muhe haya mas participacion
den gobierno.

Hasta na Hulanda nan a reconoce pa su meri-
tonan. E aña aki Aruba a haya e grato noticia
for di Hulanda cu a nombra un caya n'e promi-

nente señora Laura d.f.m. E caya ta yama Laura
Wernet-Paskelhof y e ta keda den e proyecto di
construccion “Proefveld Erasmus” na Den Haag.