Page 6 - AM 240909 2.1 final draft

6 LOCAL AWEMainta
Falta di proteccion pa ‘Klokkenluiders’
ta mina integridad na Aruba
Den un tempo caminda transparencia y integridad ta birando cada bes
mas importante pa gobierno, e situacion rond di e proteccion di klok-
kenluiders na Aruba ta preocupante. Recientemente a bin dilanti un
caso tristo den cual un ciudadano a perde su contract despues di a
raporta supuesto iregularidadnan den un instancia gubernamental. E
ciudadano aki, cu tabata traha na Centro di Control di Cacho (CCC), ta
afirma cu su contract a wordo termina despues cu el a critica minister
Ursell Arends y a denuncia posibel corupcion den e organisacion.
E klokkenluider en cuestion ta describi e situacion asina aki: "Ta increibel
pa bisa, pero asina ta e realidad di bida aki na Aruba: nos ta bay bira pio
cu Venezuela, unda e pueblo no tin derecho di expresa su malcontento
of opinion. Na momento cu mi a cuminsa expresa mi malcontento riba
cierto cosnan cu no tabata bon regla, nan a cuminsa menasa mi person-
almente. Nan a menasa di termina mi contract of di traslada mi. Na final
nan a termina mi contract pasobra mi a critica e minister y a raporta cu
tin ladronicia ta tumando luga na CCC."
E asunto aki ta expone un problema structural na Aruba: e falta di un
proteccion adecua pa klokkenluiders. Aunke tin e Ordenansa Nacional di
Reportahe di Irregularidadnan (Landsverordening Melding Misstanden),
esaki ta ofrece solamente un forma limita di proteccion den e sector
publico. Ademas, tin masha poco garantia pa meldingnan den e sector
priva, loke ta conduci na un zona gris huridico pa hopi trahado Arubano.
Dialuna, 9 September 2024
E importancia di un areglo pa klokkenluiders
Un areglo fuerte pa klokkenluiders ta un parti fundamental di un democ-
racia cu ta funciona bon. E ta permiti ciudadanonan y trahadonan pa
trece iregularidadnan na luz sin miedo di represalia. Den hopi pais desa-
roya nos ta mira con e tipo di legislacion aki por contribui na mehora
servicionan gubernamental y aumenta e confiansa di ciudadanonan den
nan lidernan. Na Aruba, sinembargo, e confiansa aki ta hopi abou.
E falta di proteccion legal ta crea un situacion den cual trahadonan no
solamente ta core risico di intimidacion, pero tambe di degradacion of
hasta retiro for di trabou. Esaki ta descurasha klokkenluiders y ta pone
cu hopi iregularidad ta keda sin wordo mira. Esaki tin consecuencianan
directo pa e sector publico y priva, unda transparencia ta hustamente
crucial.
Intimidacion y e consecuencianan pa integridad
Den e caso di e klokkenluider cu a conta su storia, ta parce cu tin un
represalia cla. E trahado a raporta iregularidadnan rond di otorgamento
di trabou den gobierno y e supuesto ladronicia di recursonan den CCC.
En bes di investiga e acusacionnan aki seriamente, el a wordo confronta
cu intimidacion y menasa di retiro for di trabou.
"Nos mester djis baha cabes y haci loke nan kier. Segun mi, no tin
democracia mas aki, mirando cu un trahado di e ministerio ta bin bisa
mi cu mi no ta integro pasobra mi a pone algo riba Facebook," segun e
klokkenluider. E declaracion aki ta accentua un tendencia
preocupante: trahadonan ta wordo forsa pa keda keto pa
miedo di repercusion, loke ta daña gravemente e integr-
idad general di e aparato gubernamental.
Yamada na minister Ursell Arends
Minister Ursell Arends, kende entre otro ta responsabel
pa e cartera di Integridad, mester ta e persona cu ta tuma
e iniciativa den desaroya un ley cu ta proteha klokkenlu-
iders. Como minister di Integridad, ta su tarea pa sigura
cu hende cu ta raporta iregularidadnan ta wordo protegi y
cu nan acusacionnan ta wordo investiga cuidadosamente.
Sinembargo, e maneho actual ta mustra claramente cu
tin un cultura di miedo, den cual trahadonan tin miedo di
expresa nan opinion.
Ta tempo pa e gobierno di Aruba asumi su responsabilidad
y introduci un areglo amplio pa klokkenluiders, no sola-
mente pa e sector publico, pero tambe pa e sector priva.
Sin e proteccion aki, iregularidadnan lo sigui acumula y e
confiansa den gobierno lo sigui deteriora. Ciudadanonan
Arubano merece un gobierno transparente y honesto
den cual integridad ta wordo aprecia y klokkenluiders ta
wordo balora pa nan curashi pa denuncia inhusticia.
Datos personal conoci na redaccion