Page 22 - AweMainta

22 AWEMainta Diabierna, 11 September 2015

SV Dakota y nan
mascota ta cla
pa torneo di Liga
Futbol Infantil di
Aruba

E DEPORTISTANAN mas hoben den futbol na Aruba, di

diferente club, ta participando n’e torneo di Liga Futbol Infantil
di Aruba (Lifida) pa categorianan Mini Baby, Baby, Lifida A y
Lifida B.
SV Dakota Mini Baby (6 y 8 aña), Baby (8 y 9 aña), Lifida A
(10 y 11 aña) y Lifida B (12 y 13 aña) ta cla pa un tremendo
aña di training y competencia.

Den e categorianan aki algun di e ekiponan ta inclui mucha
muher tambe den nan team, pues mayornan cu tin yiu muher
cu ta interesa den hunga futbol, por aserca SV Dakota pa nan
yiu muher uni n’e club y e trainingnan.
Diasabra ultimo Lifida a tene nan defile anunciando e
cuminsamento di un temporada nobo. Cu hopi entusiasmo y
muchanan di SV Dakota, estrenando nan colornan caracteristico
“black & yellow” hunto cu nan mascota cu ta carga e nomber
DKT, a participa n’e presentacion di deportistanan den Stadion
Guillermo Prospero Trinididad.

E muchanan a goza masha y mayornan y sernan keri a yena e
tribuna pa saluda y anima nan p’e torneo cu nan tin nan dilanti.
SV Dakota y su fanaticada ta cla y ta invita tur hende pa bin
wak nan hunga. Dia 18 di september e team SV Dakota Lifida
B ta hunga y riba dia 19 di september SV Dakota Mini Baby y
Lifida A ta riba veld.

Compartiendo palabranan di encurashamento tabata miembro
di Comite Olimpico Internacional, Nicole Hoevertsz y Buchi
Panama Wever, kende t’e dirigetne di Lifida. Tabata un atardi
hopi dibertido pa tur e muchanan.