Page 18 - DESPA

HOPI RETO ORA E BIRA

DIABETICO

12 November, 2017, 7:53 pm

Dia 14 di November ta di Mundial di Diabetes. Adelita Henriette ta dietista na Imsan y ta

conta riba diferente punto como persona cu ta atende cu hendenan cu sucu diariamente. E

ta conseha diabeticonan na Aruba y pashentnan di dialyse di Imsan over di nan

alimentacion. Awendia no kier papia mas di dieta, pero alimentacion saludabel. Tin hopi

reto ora cu un hende bira diabetico, e tin cu bay adapta den su comemento y e mester di

un guia pa e cuminda keda den balansa. Esey ta e meta. Ora bo kita un cos for di bo
alimentacion, for di bo cuminda, e ora ey bo por perde otro ingrediente, nutriente y tin cu

percura pa tur cos tey. Asina ta guia e pashentnan den e proceso ey. E ta algo cu ta tuma

tempo y nan mester di hopi conseho y hopi motivacion. Nan ta bin prome biaha cerca

Henriette. Despues nan ta bin cada tres luna of si tin mester, por bin mas frecuente.

Normalmente ta prefera pa e pashent bin cu un verwijsbrief di e dokter di cas, pasobra e

por tin otro complicacion of malesanan cu no sa di dje. Ta bon pa ta na altura di eseynan

pa por inclui den nan alimentacion, teniendo cuenta cu tur cos.

Tambe ta guia nan estilo di bida, movecion, conseha nan den otro partinan, e orarionan pa

come, ora nan ta traha. Tin ora nan ta traha warda, cu nan remedinan, combinacion di

warda, drumi mento, tur esey, tin cu tene cuenta pa cos keda mas balansa.