Page 19 - DESPA

Tentacion

Tur hende tin tentacion, net vooral cerca esnan cu tin cu cuida nan curpa, aunke nan sa cu

nan no ta bon. Tin hende ta malo, pero nan no sa cu nan ta malo. Henriette a splica cu e

no ta facil convence nan. E control mester keda. Ta compronde tambe cu nos mes tin

biaha den tentacionnan, si no tin un hende pa yuda, pa motiva, ta hopi importante pa un

hende ta cubo den e proceso ey. Por tuma contacto cu e dietistanan via email, telefon,

bishita nan, tur cos ta posibel, pa haya e apoyo eynan. E ta pasonan chikito. Por ehempel

si un pashent ta come 10 snechi di pan y awo ta come ocho, ta mira e progreso. No cu tin

cu alcansa tur cos den un momento of den un paar di dia. E ta un proceso. Ta motiva nan

mas tanto y cada un progreso, ta un paso den e direccion pa cosnan keda alcansa. E no ta

algo facil. Diabetes ta afecta henter bo bida, no bo alimentacion so. Eynan tin cu tene
cuenta cu hopi mas otro cos y nan famia tambe mester ta cu nan y por fabor, si bo tin un

famia of un conoci diabetico, yud’e y no bay pasa su dilanti cu tentacion, pasobra e no ta

facil pa e persona bisa no. E ta tuma hopi tempo. Una bes cu e cuminsa bisa no, e ta bira

mas fuerte mentalmente pa e siguiente biaha keda bisa no. E ta algo cu ta bay tuma

tempo.

http://24ora.com/2017/11/12/dietista-adelita-henriette-un-persona-tin-hopi-reto-ora-e-

bira-diabetico/