Page 22 - awe jun 2
P. 22
22 AWEMainta Diahuebs, 2 Juli 2015
Workshop Balanced DIABIERNA ultimo, dia 26 di juni 2015 a tuma luga e
Leadership tabata
uno exitoso! workshop Balanced Leadership organisa pa Aruba Trade &
Industry Association (ATIA) den colaboracion cu Caribbean
Mercantile Bank N.V.
E workshop Balanced Leadership a wordo facilita pa Sra.
Anita de Groot, fundador y CEO di AIM Consulting Group.
Mirando e gran impresion cu Anita a laga atras aña pasa
durante e Women in Leadership Conference, e workshop
a wordo bon ricibi y a sold out den apenas algun dia.
Durante e workshop interactivo aki a cubri entre otro e
balornan di intuicion, con pa enfoca ariba bo intuicion, con
pa combina intuicion y rasonamento, y por ultimo con pa ta
mas balansa y central. Den un forma hopi interactivo a hasi
diferente ehercicio den grupo y paar, cu alabes a ofrece e
participantenan oportunidad pa netwerk y intercambia di
idea. Na final di dia a organisa un cocktail hour caminda e
participantenan a disfruta den un bon ambiente.
ATIA kier a gradici Caribbean Mercantile Bank N.V. un
biaha mas pa e confiansa den ATIA y pa nan colaboracion pa
por a hasi e workshop aki posibel. ATIA ta spera di por sigui
facilita su miembronan y tur esnan interesa cu informacion
valioso pa cu nan crecemento personal y profesional, y
asina contribui na organisacionnan fuerte y exitoso.
