Page 3 - bon-dia-aruba-20200507

A3
LOCAL Diahuebs 7 Mei 2020
Pa motibo di actualisacion di dato:

Hende cu tin tereno huurgrond pa planta mester reinscribi via online

ORANJESTAD - Manteniendo e distanciamento so-
cial pa motibo di COVID-19 y normanan implemen-
ta pa cu esaki, Ministerio di Infrastructura a convoca
un conferencia di prensa pa medionan local, na unda
minister di Infrastructura, Desaroyo Teritorial y Me-
dio Ambiente, Marisol Lopez-Tromp a papia tocante e
inscripcion y reinscripcion pa loke tin di haci cu huur-
grond.

Lopez-Tromp a expresa cu Gobierno ta trahando pa un tem-
po caba cu e parti di ROP y e destinacion di diferente area
na Aruba y cu un gran parti di nan ta consisti pa terenonan
pa huur, mirando e interes grandi cu tin pa planta of otro
proposito.

El a splica cu esaki tin un actualisacion, na unda nan ta pidi pa
hendenan reinscribi, pa motibo cu e departamento durante e
ultimo 10 aña tin peticionnan haci di hendenan cu ta huur-
grond, hende cu ta plantando y tambe tin hendenan cu no ta
haci esaki. E registro cu tin ta nifica cu un parti no ta actualisa
y nan kier haci esey pa tin un uso efectivo di e terenonan aki,
pa por destina pa planta.

Debi na restriccion di shelter in place y manera nan a publica
algun siman pasa, e registro of reinscripcion por wordo haci
via online pa actualisa e datonan cu e departamento tin.
Di esaki, Lopez-Tromp a menciona cu DIP a ricibi un can-
tidad di e-mail na unda e peticionnan ta wordo atendi y si e
rekisitonan no ta completo, tin oportunidad pa entrega loke
falta. E departamento a opta pa pidi pa tur esunnan cu por,
haci esaki online.

Di e registro aki, el a señala cu loke a wordo pidi - y ainda ta
sigui pidi - pa e peticionario yena ta: Nomber completo como
peticionario, adres, telefon y e-mail adres. Tambe mester tin
un personal number, copia di ID, paspoort of rijbewijs, reg-
istro di Camara di Comercio y si ta aplicabel no mas bieu cu
un luna. Tambe describi actividad di e proyecto cu lo haci of
ta haciendo caba y un pago di 35 florin cu tin cu paga online,
segun e ley ta regarda.

Si personanan no actualisa e datonan aki, DIP lo considera e
peticion como nulo, kiermen cu e persona no ta interesa of
no ta plantando mas. Lopez-Tromp a bisa cu den transcurso di
tempo tin situacionnan caminda cu e huurgrond no ta wordo
usa pa e meta stipula den ley.

Di otro banda, tambe el a sigura cu si e personanan no por
logra esaki - caminda cu e shelter in place lo wordo elimina
- nan ta pidi e ora ey pa e personanan bay personalmente na
DIP pa haci un cita, pa asina e persona por tin su tempo pa
entrega e rekisitonan.

Di mesun manera, hende cu ya caba tin terenonan pa huur-
grond y cu ta usando nan, a pidi pa tambe nan reinscribi. “No
tin ni un momento intencion pa bay kita tereno di hende. E
meta ta pa stimula pa bay planta y crea condicionnan pa yuda
den esey y percura tambe cu esunnan cu haci’e, lo haci’e di un
forma serio”, Lopez-Tromp a finalisa.