Page 39 - MIN ON JUNE 23, 2015

8 AWEMainta Diamars, 23 Juni 2015

Awe diamars 23 di juni

Mundo henter
lo conmemora
DIA OLIMPICO

TUR aña rond di fecha 23 di juni, Movimento Olimpico

rond mundo ta celebra Dia Olimpico. Tabata riba 23 di
juni, aña 1894, cu na Universidad di Sorbonne, Paris,
Francia, un grupo di persona, encabesa p’e filosofo,
historiador y gran idealista, Baron Pierre de Coubertin
a dicidi di re-activa Weganan Olimpico. Comitenan
Olimpico Nacional y nan miembronan Olimpico rond
mundo ta organisa celebracionnan special awe pa
conmemora “Olympic Day”.

Durante e 121 aniversario aki tambe lo wak Comitenan
Olimpico Nacional y Federacionnan Internacional di
5 continente hunto cu “Olympians” encurasha tanto
hoben y como adulto pa ta envolvi den actividadnan
deportivo, cultural y educativo. Lo enfatisa riba e lugar
cu deporte tin den sociedad y con deporte por yuda
comunidad yega na tolerancia social p’asina alcansa
bon boluntad.

E tres pilarnan di Dia Olimpico ta move, siña y
descubri. Uzando e mensahenan aki organisacionnan
awe ta promove e beneficionan di ehercicio fisico
y inspira hende pa ta bira activo y yudanan conoce
deportenan nobo via e idealnan Olimpico sin importa
cu habilidadnan of background.
Recientemente Comite Olimpico Arubano hunto cu
IBISA a celebra e Olympic Day cu un 1, 2 , 3Km loop p’e
scolnan basico y un 5km Fun run and walk na Linear
Park. Ambos evento tabata super exitoso mirando cu e
acogida tabata inmenso.

Cada participante n’e evento aki a haya un t-shirt di
Olympic Day completamente gratis mientras na final
a reparti medaya. Mester bisa cu na nos scolnan basico
na Aruba alumnonan a celebra e Dia Olimpico cu
actividadnan deportivo, esaki pa siña y conscientisa nos
muchanan riba e movemento aki.