Page 14 - bon-dia-aruba-20220301

A14 DEPORTE
Diamars 1 maart 2022

Bindiya “ Bindi” Wadhwani rumbo pa IMG Academy

Despues di ricibi bishita
na Januari for di coachnan
di Merca, prome damita
cu nan a nota potencial ta
rumbo pa IMG Academy
un di e top academia na
Merca.

Bindi lo ta formando parti di
e “girls soccer camp”, cu ta
encera un siman di training
pa despues participa den un
torneo, aki lo evalua si Bindi
tin e potencial pa drenta
IMG Academy.

Tur esaki ta danki na e
academia di AVB y nan
contactonan di afo cu ta
habri porta pa nos muchanan
por haya e oportunidad pa
demostra nan talentonan.
AVB tin tur confiansa cu
Bindiya “ Bindi” Wadhwani
lo hasi su maximo esfuerso y
tur clase di exito!

Seis medaya pa Aruba den Campeonato ABC

Recientemente Aruba Karate Bond (AKB) a participa na e Campe-
onato “ABC” na Club Soho na Boneiro. Esaki ta un campeonato cu
anualmente ta wordo organisa y unda ta haci un rotacion bou di e
islanan. E biaha aki a toca turno na Bonkarate Bonaire (bou di pres-
idencia di “Sensei” Peter Silberie y su team) pa organisa e campe-
onato “ABC” 2022. Participantenan a yega for di Aruba, Corsow y
Surinam pa join esnan na Boneiro. Cu un total di 75 participante e
campeonato a ranca sali for di 9 ‘or di mainta cu un reunion pa tur
arbitro y coach. Durante e reunion aki a repasa tur regla y stipula-
cion di e campeonato. Pa 10’or a tuma luga e bunita desfile di tur e
participantenan.

Team Aruba
Aruba a wordo representa door di Alejandro Gonzalez Lujan y Juan David
Velasquez. Alejandro Gonzalez Lujan ta un atleta di 18 aña di edad. Cu su
4 aña el a cuminsa tuma les di karate, a keda practica y te awe karate ta un di
su pasionnan mas grandi. Aparti di esey, Alejandro Gonzalez Lujan ta gusta
musica. Juan David Velasquez ta un atleta di 21 aña. Tempo cu e tabata tin
7 aña el a cuminsa practica karate. Te dia di awe Juan David Velasquez ta
practica y gusta karate. Banda di karate, e ta dedica su mes shen porciento
na su estudio.

Resultado exitoso
Alejandro Gonzalez Lujan a participa den categoria Senior Kata (exposicion
di tecnica di karate), Senior Kumite +84 kg (pelea, bringamento) y Open
Kumite. E competencia tabata fuerte unda e atleta aki a bringa den total 5
biaha. Cu su agilidad den bringamento el a keda victorioso: dos medaya di
oro, uno di brons y e trofeo di oro pa e atleta cu e puntonan di mas halto den
henter e campeonato. Juan David Velasquez a participa den categoria Senior
Kata (exposicion di tecnica di karate) y Open Kumite. Cu un presentacion
fenomenal den tecnica y en total 3 pelea Juan David Velasquez a gana dos
medaya di plata y un medaya di brons.
Contento
AKB ta hopi contento cu e resultado. Sigur pa e ultimo añanan, ambos kara-
teka ta e ehempel di disciplina, respet y perseverancia. Ta spera cu otro kara-
teka por sigui nan bon ehempel. Pabien pa Alejandro Gonzalez Lujan y Juan
David Velasquez. Igualmente AKB ta extende su gratitud pa coach “sensei”
Alberto Gonzalez Lujan y “sensei” Gustavo Velasquez. Ambos ta den pre-
paracion pa renoba nan certificado den nan respectivo ramo. Danki speciaal
ta bay tambe pa “Sensei” Peter Silberie y su team, pa Arubabank (patrocina-
do di uniform), Totto Aruba (proveedor di uniform), Setar (patrocinado di
algun gasto), Stichting Sportsubsidie Aruba, Fundacion Lotto pa Deporte,
Comite Olimpico Aruba, señora Maria Velasquez y señora Libia Uribe di
Boneiro, team AKB y tur cu ta sostene AKB. Si acaso bo kier yuda AKB, por
haci esaki door di deposita bo aporte riba e cuenta di Aruba Karate Bond,
na Arubabank number: 2527930290. Keda pendiente pa e siguiente evento!