Page 26 - AWEMAINTA

26 AWEMainta Diamars, 24 December 2019

Cu dos cuchui skerpi den man:

Mucha homber a menasa

famia completo den cas na Tanki Leendert

DIABIERNA atardi Polis a bay cu urgencia na un
compleho di apartamento situa nan Tanki Leendert,

unda cu un yiu homber hoben lo tin e famia menasa.

E mama lo t’esun cu a yama y a bisa Polisnan cu su
yiu homber lo a bira furioso den e cas y te hasta a

bay asina leu pa pasa man pa dos cuchiu skerpi y
menasa tur hende.

Na yegada di Polis e mama a bay pafo y a splica nan
en detayes di kico a pasa y cu e yiu a bira furioso

durante un discusion y cu el a coy dos cuchiu pa me-
nasa tur esnan paden.

E momento eynan e mama tabata kier pa nan at-

ende cu e yiu homber y te hasta pa nan detene bay
cune.

Agentenan a haci loke a mama tabata desea. Nan a
yama e hoben na su nomber y a logra drenta cu cau-

tela mirando cu e ta agresivo. Unabes paden nan a

yame na su nomber y yega cerca.
Manera nan a yega a bay over mesora na detene po-

niendo e den boei. Den su poder a haya tambe e dos
cuchiunan skerpi.

Agentenan a pidi Transportwagen p’asina hiba e
mucha homber warda, p’eynan e proceso cuminsa

cana dilanti un Sub Fiscal.

MAMA A CAMBIA DI IDEA

Agentenan a bay bek Tanki Leendert pa tuma de-
claracion di e mama o sea e denuncia.

Aki tabata unda e agentenan a haya nan cu un sor-

presa. Mama di e hoben a cambia por completo y no
tabata kier mas haci ningun denuncia contra su yiu

homber.

Polis a splike cu e ora mucho cos nan no por haci, y
cu nan warda posiblemente lo tuma dato di e mucha

y lage bay.

Wel a haci loke e mama kier y awor por spera prob-

lema atrobe y ken sa cu ki sorto di final.