Page 24 - AWEMAINTA

24 AWEMainta Diamars, 24 December 2019

Chauffeur a bira victima di atraco

despues di a duna dos homber lift

DIADOMINGO anochi pa mas o menos
11’or, Polis a wordo manda cu urgencia na al-

tura di Citgo Oranjestad, unda un persona lo a

wordo bati y atraca.
Patruya a yega basta liher y den prome instan-

te a busca banda di e restaurant, pero despues

a bira y ta topa cu un auto Chevrolet SUV color
blau scur riba caminda para.

N’e banda drechi di e auto e chauffeur cu a bira

victima di e atraco. Por a mira cu e chauffeur

tabata cu kruk y a bisa Polis cu su pia ta kibra.
El a conta Polis cu el a duna dos homber color

scur style di Rasta lift. Nan lo a pidi’e pa bah-
anan na Citgo final di caya pa nan cumpra cos.

Segun su version yegando Citgo nan lo a cum-
insa bringa cune of a dal’e algun mokete p’asina

nan por a atrake. E cabayero tabata keha di do-

lor na boca y cara.

Nan a lo a pasa man pa un boshi di yabi incluy-

endo su yabi di auto, parce nan lo a ranca esey.
Kico mas nan lo a bay cune no ta mucho duideli-

jk.
Despues un di hombernan a baha y sali core

bay direccion di La Fama.

Empleadonan di e gas station kiermen esun cu

a bay nort semper ta cumpra cos di come paden
dus nan sa ken e ta. E otro si no tin mucho in-

formacion. Casa di e cabayero tambe a yega n’e

sitio.
Despues di haci’e varios pregunta, Polis a opta

pa bay warda y eynan laga paramediconan pasa

y controla e golpinan cu el a haya.

Un agente a subi na stuur y nan a pone e chauf-

feur sinta patras den su mesun auto pa nan bay
warda. Ey nan lo sigui cu e investigacion y si

ta bon lo avisa Atraco Team y tambe Slachtof-
ferhulp.