Page 28 - AWEMAINTA

28 AWEMainta Diamars, 24 December 2019

Nos muchanan contento cu concierto den Ser’i Noka…
“Hey… ta Pasco!” tambe pa nos

muchanan y nan maestronan

DIAHUEBS ultimo den oranan tempran di main-
ta, e alumno y maestronan di Maria School y Cole-

gio San Hose tabatin e gran dicha y privilegio di por

a disfruta di un concierto fantastico di Pasco pre-
senta pa Edjean Semeleer hunto cu su cantantenan

invita manera Jaylon Machado, Christopher Croes
y tambe nos musiconan local invita cu a duna tur di

nan parti pa presenta un recital musical fenomenal.

Esaki a wordo presenta den e teatro historico di

Ser’i Noka, como un regalo special di fin di aña, cu
a wordo haci posibel tambe danki na varios com-

pania cu a uni nan mes na e proyecto grandi aki.

Diario tv a transmiti e concierto aki den su totalidad
en bibo y asina nos comunidad por a aprecia e alegria

inmenso y entusiasmo riba cara di nos muchanan y

nan maestronan cu nunca a ricibi un concierto ex-
celente asina como regalo.

E tabata un mainta hopi inspirativo y magico den Ser’i

Noka y nos ta sigur cu e deseo ta existi pa mas di nos
mucha y hobennan tambe por experencia algo asina.

E impacto ta sumamente positivo y duradero p’e desar-
oyo di nos muchanan y bienestar di nos isla en general.

E mainta aki tambe tabata un celebracion masha spe-

cial, considerando e hecho cu Juffrouw Omayra Delu-
via a celebra 35 aña como maestra y a ricibi un hom-

enahe special for di tur presente.

Nos teatro di Ser’i Noka ta conociendo un bida nobo,

un era nobo y hopi positivo den su existencia. Ta for
di luna di september caba fundacion Go Cultura a an-

uncia e esfuerzonan pa rescata, restaura y renoba e

anfiteatro historico y monumental aki cu autorisacion
y cooperacion completo di Parokia di Santa Cruz.

Proyectonan artistico y impactante asina ta sirbi como

ehempel cu cultura y creatividad merece di ta n’e cu-
rason di e desaroyo sostenibel di nos isla.

Cu hopi anticipacion nos ta spera di por mira hopi mas
proyecto positivo cu un impacto duradero sigui tuma

lugar den Aruba su anfiteatro historico y monumental

den aire liber: e teatr’i Ser’i Noka.