Page 15 - MIN SJA 3 MAART 2016

Yamila Bulos di Telefon pa Hubentud Nan tey pa sostene
hobennan cu ta victima di casonan di divorcio

Wednesday, 02 March 2016 21:43
Comparti

Divorcio ta algo alarmante den sociedad y ta un impacto hopi grandi riba nos muchanan. Telefon pa
Hubentud ta ricibi hopi yamada di muchanan cu ta nan so na cas y tin problema entre nan mayornan y
nan ta wordo afecta pa e problemanan aki.

Telefon pa Hubentud semper ta traha pa e muchanan y ta streef na duna nan e poder pa yuda nan haya e
solucionnan adecuado pa nan y nan tin di wordo scucha mas y di duna na nan mas tools pa anda cu e
divorcio of separacion di e mayornan, segun Yamila Bulos kende ta trahado social na Telefon pa
Hubentud. Tin cu corda mayornan cu e muchanan no mester wordo envolvi den e problema. Telefon pa
hubentud a haci algun investigacion y a wak algun cifra y a base di esey a desaroya, hunto cu Tienda di
Educacion un charla, cu ta ofreciendo na diferente scol awor aki y cu te awor ta hopi exitoso. a haya hopi
peticion p’e pasobra scolnan tambe ta riparando cu esaki ta un problema pa nos muchanan. Nan mes ta
wak cu e muchanan ta bin cu e problemanan aki scol y nan desaroyo t wordo afecta door di e
problemanan entre nan mayornan. Tur aña ta cera nan registra y ta wak e temanan cu mas ta andando
entre e hobennan. Relacion den cas ta un tema cu ta den top cinco pa telefon pa hubentud. Relacioin cu
mayornan y relacion entre mayornan, ta temanan cu ta keda bin bek tur aña. E aña aki, ora cu a haya
cierto peticionnan di algun scol tocante di e tema aki tambe, a dicidi di haci mas na dje, no solamente e
lezing na scol, pero tambe pa bay crea un tiki mas di conciencia di sociedad tocante di e problematica aki.
Telefon pa hubentud ta mira den cifranan wak cua ta e mayornan cu mas ta divorcia. Muchanan ta papia
di con e problemanan ta afecta nan. Telefon pa Hubentud tey pa sostene nos hobennan. Ta
laagdrempelig door cu e ta anonimo. Nan no mester bisa nan nomber, ni ki scol nan ta bayendo. Ta un
manera pa desahoga nan mes sin wordo critica y husga y nan sa cu na momento cu nan cera e telefon, e
yamada a keda te eynan. E ta confidencial y hopi biaha nan no ta haya un oido cerca nan mayornan,
pasoba nan ta bezig cu nan mesun problema cu divorcio.

http://www.24ora.com/local-mainmenu-5/105938-yamila-bulos-di-telefon-pa-hubentud-nan-tey-pa-
sostene-hobennan-cu-ta-victima-di-casonan-di-divorcio